UmTshumayeli 8:17 - iBhayibhili Elingcwele 1978

¹⁷ ngabona ukuba uNkulunkulu ukumisile ukuba umuntu angakuboni okwenzekayo ngaphansi kwelanga; lanxa umuntu ezama ngokungakanani, kayikukubona; ohlakaniphileyo angathi uyazi, kodwa kayikulazi iqiniso lakho.

IBhayibhili Elingcwele LesiNdebele

¹⁷ ngasengibona konke uNkulunkulu akwenzileyo. Kakho ongaqedisisa okwenzakalayo ngaphansi kwelanga. Loba umuntu ohlakaniphileyo angazitshaya owaziyo, kodwa angeke akuqedisise.

UmTshumayeli 8:17 ပူးပေါင်းရင်းမြစ်များ

UJobe 5:9

Yena owenza izinto ezinkulu ezingelakuhlolwa, izimangaliso ezingelakubalwa.

AmaHubo 104:24

Nkosi, minengi kangaka imisebenzi yakho! Ngokuhlakanipha uyenzile yonke; umhlaba ugcwele izidalwa zakho.

AmaHubo 40:5

Nkosi, Nkulunkulu wami, wena wenzile izinto ezinkulu, lemicabango yakho mihle ngathi; kakho ongafaniswa lawe. Uba ngizilandisa ngizitsho, zinengi zingeke zibalwe.

AmaHubo 73:16

Kwathi lapho ngizama ukuqedisisa lokhu, kwaba lukhuni kakhulu kimi,

UmTshumayeli 1:13

nganikela ingqondo yami ukudinga lokuhlolisisa ngokuhlakanipha konke okwenziwayo ngaphansi kwelanga; kungumsebenzi onzima uNkulunkulu awunike abantu ukuwusebenza.

UmTshumayeli 11:5

Njengoba ungazi ukuthi impilo iqalisa njani esiswini sowesifazana okhulelweyo, ngokunjalo kawazi ukuba uNkulunkulu owenza zonke izinto usebenza kanjani.

UmTshumayeli 3:11

Ukwenzile konke ukuba kube kuhle ngesikhathi sakho; wamnika lomuntu ukwazi isikhathi esidlulileyo lesizayo; kodwa kalakho ukuqedisisa umsebenzi kaNkulunkulu kusukela ekuqaleni kuze kube sekucineni.

UmTshumayeli 7:13

Nakana ngomsebenzi kaNkulunkulu; ngubani ongelula lokho uNkulunkulu akugobisileyo na?

U-Isaya 40:28

Kawazi yini, kawukezwa na? INkosi inguNkulunkulu ongelakuphela, inguMdali womhlaba wonke. Kayipheli amandla ikhathale, lemicabango yayo ingeqedisiswe muntu.

AbaseRoma 11:33

Yeka ukuzika kwenotho, lokuhlakanipha, lolwazi lukaNkulunkulu! Yeka izahlulelo zakhe ezingaphenyekiyo lendlela zakhe ezingalandelekiyo!