UmTshumayeli 7:25 - iBhayibhili Elingcwele 1978

²⁵ Ngaqala ukucabanga, ngamisela ingqondo yami ukudinga lokufuna ukuhlakanipha lokwazi isimo sezinto; ngafumanisa kuphela ukuthi kuyibuthutha ukuba ngomubi, lokuthi kuyikuhlanya ukwenza njengesithutha.

IBhayibhili Elingcwele LesiNdebele

²⁵ Ngasengibeka ingqondo yami ukuthi ngizwisise, ngidingisise njalo ngichwayisise ukuhlakanipha kanye lesimo sezinto lokuzwisisa ubuphukuphuku bokuxhwala lobuhlanya lobuwula.

UmTshumayeli 7:25 ပူးပေါင်းရင်းမြစ်များ

UGenesisi 34:7

Amadodana kaJakobe afika evela egangeni esezwile lokhu; adabuka, athukuthela kakhulu ngoba uShekema enze ihlazo koIsrayeli ngokulala lendodakazi kaJakobe, into engafanele ukwenziwa.

2 USamuyeli 13:12

Yena wamphendula wathi: Atshi mnewethu, ungangibambi, ngoba lokhu kakwenziwa koIsrayeli, ungenzi lamanyala.

Izaga 17:12

Kungcono ukuhlangana lebhere elithathelwe imidlwane yalo, kulesithutha ebuthutheni baso.

Izaga 26:11

Isithutha esiphinda ubuthutha baso sinjengenja ebuyela emahlanzweni ayo.

UmTshumayeli 10:13

Siqala ngokukhuluma ubuthutha, siyecina ngokukhuluma ububi.

UmTshumayeli 2:12

Ngasengizimisela ukuba ngihlole ukuhlakanipha lokuhlanya lobuthutha. Ngoba angenzani umuntu othatha isikhundla senkosi na? Angenza kuphela lokho osekwenziwe.

UmTshumayeli 2:15

Ngasengisithi: Lokho okwehlela isithutha kuzangehlela lami; pho, kuzangisizani ukudinga ukuhlakanipha okungaka na? Ngasengisithi: Lalokho lakho kulize.

UmTshumayeli 2:20

Ngasengiphelelwa lithemba ngomsebenzi wami wonke langokutshikatshika kwami ngaphansi kwelanga,

UmTshumayeli 7:27

Umtshumayeli uthi: Khangela, yikho lokhu engikufumeneyo ekuhloleni kwami izinto nganye ukuba ngibone isimo sazo

UJoshuwa 7:13

Suka, ubuthanise abantu, uthi kibo: Zihlambululeni ngenxa yosuku lwakusasa libe ngcwele; ngoba iNkosi, uNkulunkulu kaIsrayeli, ithi: Kukhona izinto ezinikelwe eNkosini eziphakathi kwenu, lina Israyeli; lingeke lime phambi kwezitha zenu lingakakhuphi phakathi kwenu izinto ezinikelweyo.