UmTshumayeli 6:11 - iBhayibhili Elingcwele 1978

¹¹ Ngokwanda kwamazwi, lobuze bakho konke buyanda; umuntu uzuzani ngakho na?

IBhayibhili Elingcwele LesiNdebele

¹¹ Ngokwanda kwamazwi siyancipha lesisindo sawo; pho kumsiza ngani umuntu?

UmTshumayeli 6:11 ပူးပေါင်းရင်းမြစ်များ

AmaHubo 73:6

Ngakhoke bagqiza ukuzigqaja njengamangqongqo, bambathe isihluku njengengubo.

UmTshumayeli 2:15

Ngasengisithi: Lokho okwehlela isithutha kuzangehlela lami; pho, kuzangisizani ukudinga ukuhlakanipha okungaka na? Ngasengisithi: Lalokho lakho kulize.

UmTshumayeli 3:19

Ngoba isiphelo sabantu lesiphelo sezinyamazana sinye; njengoba okunye kusifa, konke kuyafa. Konke kuphefumula moya munye, lomuntu kazedluli inyamazana; ngoba konke kulize.

UmTshumayeli 4:16

ozabusa abantu abanengi abangelakubalwa; laye kayikuthandeka kulabo abeza emva kwakhe. Lokho lakho kulize lamaya.

UmTshumayeli 4:8

ngabona umuntu ongelabani indodana kumbe umfowabo etshikatshika njalonjalo enganeliswa yinotho yakhe engazibuzi ukuthi: Ngitshikatshikela bani, ngidele ukuzithokozisa na? Lokho lakho kulize lomsebenzi omubi.

UmTshumayeli 5:7

Lanxa uphupha amaphupho amanengi, wenze okulize, ulawule, kumele umesabe uNkulunkulu.

UmTshumayeli 6:10

Osekukhona sekuke kwabizwa ngebizo; umuntu uyaziwa ukuba uyini lokuba kalamandla okuphikisana lolamandla kulaye.

UmTshumayeli 6:12

Ngoba ngubani okwaziyo okumfaneleyo umuntu esahlezi insuku eziyingcosana zokuphila kwakhe okulize okudlula njengesithunzi na? Ngubani ongatshela umuntu lokho okuzakuba khona ngemva kwakhe ngaphansi kwelanga na?

UHosiya 12:1

UEfrayimi uhamba lomoya, alandele umoya wasempumalanga usuku lonke; bayandisa amanga lesihluku, benze isivumelwano leAsiriya, base amafutha eGibithe.