UmTshumayeli 5:18 - iBhayibhili Elingcwele 1978

¹⁸ Engikubonileyo mina ukuthi kuhle kuyikuba umuntu adle anathe azithokozise ekutshikatshikeni kwakhe konke atshikatshika kukho ngaphansi kwelanga ensukwini zakhe zonke ezilutshwana uNkulunkulu amnike zona zibe yisabelo sakhe.

IBhayibhili Elingcwele LesiNdebele

¹⁸ Ngasengibona ukuthi kuhle kuqondile ukuthi umuntu adle njalo anathe, njalo azuze ukusuthiseka ekutshikatshikeni kwakhe ngomsebenzi ngaphansi kwelanga ngalezonsuku ezilutshwane ezokuphila uNkulunkulu asamuphe zona ngoba lesi yisabelo sakhe.

UmTshumayeli 5:18 ပူးပေါင်းရင်းမြစ်များ

AmaHubo 42:8

Emini iNkosi iyangiphatha ngothando lwayo olungapheliyo; ebusuku ngiyahlabela ingoma yayo, umkhuleko wami kuNkulunkulu wokuphila kwami.

UmTshumayeli 11:9

Thokoza, jaha, ebutsheni bakho, ikuthokozise lenhliziyo yakho ensukwini zobutsha bakho, ulandele indlela ezithandwa yinhliziyo yakho lezinto ezithandwa ngamehlo akho. Kodwa yazi ukuthi ngazo zonke lezizinto uNkulunkulu uzakukuthonisisa.

UmTshumayeli 2:10

Konke amehlo ami akufisayo kangiwancitshanga khona, lenhliziyo yami kangiyincitshanga ukuthokoza; ngoba ngafumanisa ukuthokoza ekutshikatshikeni kwami konke, lokho kwaba ngumvuzo wami ngawo wonke umsebenzi wami.

UmTshumayeli 2:24

Kakukho okungcono emuntwini okwedlula ukudla lokunatha lokuzuza intokozo emsebenzini wakhe; kodwa ngabona ukuthi lalokho kuvela kuNkulunkulu;

UmTshumayeli 2:3

Ngadinga ukuzithokozisa ngewayini, kodwa ingqondo yami iqondiswa yikuhlakanipha; ngadinga ukwenza ubuthutha ukuba ngibone okubathokozisayo abantu, labakwenzayo ngaphansi kwelanga ekuphileni kwabo okufitshane.

UmTshumayeli 3:22

Ngasengibona ukuthi kakukho okungcono okwedlula ukuba umuntu azithokozise ngomsebenzi wakhe, ngoba lokhu kuyisabelo sakhe. Ngubani ongamenza abone lokho okuzakwenzeka engasekho na?

UmTshumayeli 6:2

Ngibonile umuntu uNkulunkulu amnike inotho lempahla lodumo ukuze angasweli lutho kukho konke akufisayo, kodwa uNkulunkulu angamniki amandla ukuba azithokozise ngakho, kodwa kudliwe ngowemzini; lokhu kulize, kuyinto ebuhlungu.

UmTshumayeli 8:15

Ngakho ngibabaza ukuzithokozisa; ngoba umuntu kalalutho oluhle ngaphansi kwelanga kuphela ukudla lokunatha, azithokozise, ngoba lokhu kuzakuba laye ekutshikatshikeni kwakhe ensukwini zokuphila kwakhe uNkulunkulu amnike zona ngaphansi kwelanga.

UmTshumayeli 9:7

Hamba uyekudla ukudla kwakho ngokuthokoza, unathe lewayini lakho ngenhliziyo emhlophe, ngoba uNkulunkulu usekuvumile lokho okwenzayo.

UJeremiya 52:34

wayelesabelo esimiyo esensuku zonke, asinikwa yinkosi njengokuswela kwakhe insuku zonke zokuhamba kwakhe, waze wafa.

1 AbaseKhorinte 16:16

ngiyalincenga ukuba lizehlisele ngaphansi kwabanjalo labo bonke abasebenza kanye labo.

UDutheronomi 12:18

kodwa lizakudlela lokho phambi kweNkosi uNkulunkulu wenu endaweni ezakuyikhetha, lina lamadodana enu lamadodakazi enu, inceku zenu lencekukazi zenu, lomLevi ophakathi kwemizi yenu, lithabe phambi kweNkosi uNkulunkulu wenu ngakho konke elikwenzayo.

UDutheronomi 12:7

lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

UDutheronomi 26:11

uthokoze ngakho konke okuhle iNkosi uNkulunkulu wakho ekunike khona wena labendlu yakho, uthabe kanye lomLevi lowemzini ohlala lawe.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.