UmTshumayeli 5:13 - iBhayibhili Elingcwele 1978

¹³ Kukhona ububi obudanisayo esengibubonile ngaphansi kwelanga; ngibonile umuntu ezizuzela inotho ezakumlimaza,

IBhayibhili Elingcwele LesiNdebele

¹³ Sengibone ububi obudanisayo ngaphansi kwelanga: ubuhaga ngenotho okulimaza umnikazi,

UmTshumayeli 5:13 ပူးပေါင်းရင်းမြစ်များ

UGenesisi 14:16

Wabuyisa yonke impahla kanye loLoti indodana yomfowabo lempahla yakhe, labesifazana labantu.

UGenesisi 19:14

ULoti wasephuma, wakhuluma labakhwenyana bakhe ababezakuthatha amadodakazi akhe, wathi: Sukani liphume kulindawo; ngoba iNkosi izabhubhisa umuzi. Kodwa waba njengosomayo emehlweni abakhwenyana bakhe.

UGenesisi 19:26

Kodwa umkaLoti wakhangela emuva, waba yinsika yetshwayi.

UJobe 20:20

Lokhu ubuhwaba bakhe babungelamkhawulo, kayikulondoloza ulutho kulokho akufisayo;

Izaga 1:19

Kunjalo ukuphela kwabo bonke abazuza inzuzo ngokuphanga, kuyachitha ukuphila kwabayizuzayo.

Izaga 1:32

Ngoba abayizithutha bayabulawa yikungaqapheli kwabo, labayiziphukuphuku bayabhujiswa yikungananzi kwabo.

Izaga 11:4

Inotho kayisizi ngosuku lolaka, kodwa ukulunga kukhulula ekufeni.

Izaga 23:4

Ungatshikatshikeli inotho, kodwa hlakanipha, uyekele.

Izaga 27:24

ngoba imfuyo kayiyikuhlala kokuphela, lenotho kayihlali kuzo zonke izizukulwana.

UmTshumayeli 4:8

ngabona umuntu ongelabani indodana kumbe umfowabo etshikatshika njalonjalo enganeliswa yinotho yakhe engazibuzi ukuthi: Ngitshikatshikela bani, ngidele ukuzithokozisa na? Lokho lakho kulize lomsebenzi omubi.

UmTshumayeli 5:14

leyonotho ichitheke ngonyanya omubi, azale umntwana engaselalutho.

UmTshumayeli 8:9

Konke lokhu ngakubona lapho ngihlolisisa ngengqondo yami konke okwenziwa ngaphansi kwelanga; ngabona abantu bephethene ngokulukhuni bezwisana ubuhlungu.

U-Isaya 2:20

Ngalolosuku abantu bazakulahlela emagundwaneni lakubolulwane izithombe zabo zesiliva lezegolide abazenzela zona ukuba bakhuleke kuzo,

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.

ULukha 16:19

Kwakukhona umuntu othile onothileyo owayegqoka eziyibubende lamalembu amahle, esidla okumnandi insuku zonke.

ULukha 19:8

Kodwa uZakewu wasukuma, wathi eNkosini: Khangela, Nkosi, ngiyabapha abayanga ingxenye yempahla yami; kuthi uba ngimthathele umuntu ulutho ngobuqili, ngilubuyisele luphindwe kane.