UmTshumayeli 2:23 - iBhayibhili Elingcwele 1978

²³ Ngoba insuku zakhe zonke zigcwele ubuhlungu, lomsebenzi wakhe uyikukhathazeka; lasebusuku ingqondo yakhe kayiphumuli. Lalokho lakho kulize.

IBhayibhili Elingcwele LesiNdebele

²³ Ubuhlungu umsebenzi wakhe awenzayo kuzozonke insuku zokuphila kwakhe; kwala kanye lebusuku umkhumbulo wakhe kawuphumuli. Lokhu lakho kuyize.

UmTshumayeli 2:23 ပူးပေါင်းရင်းမြစ်များ

UGenesisi 3:17

Yathi kuAdamu: Njengokuba ulalele ilizwi lomkakho, wadla okwesihlahla engakulaya ngaso ukuthi ungakudli, ngalokhu umhlabathi uqalekisiwe ngenxa yakho. Ngokukhathazeka uzazuza ukudla kuwo insuku zakho zonke zokuphila kwakho.

UGenesisi 47:9

UJakobe wathi kuFaro: Iminyaka yobudala bami ilikhulu lamatshumi amathathu; ibe imibi iminyaka yokuphila kwami, milutshwana kuleminyaka yokuhamba kwabobaba.

U-Esta 6:1

Ngalobobusuku inkosi yaswela ubuthongo; yasisithi kakulethwe kiyo ugwalo lwezindaba zensuku ngensuku, yasilubalelwa.

UJobe 14:1

Umuntu ozelwe ngowesifazana insuku zakhe zilutshwana, zigcwele inhlupheko.

UJobe 5:7

Ngoba umuntu uzalelwe ukuhlupheka njengoba inhlansi ziqhatshela phezulu.

AmaHubo 127:2

Kuyize kini ukuba livuke ekuseni liphuze ukuphumula, lidle ukudla kokusebenza nzima; ngoba iNkosi iyamnika ubuthongo emthandayo.

AmaHubo 32:4

Ngoba emini lasebusuku isandla sakho, Nkosi, sasinzima phezu kwami; umzimba wami woma kungathi wonyiswa yikutshisa kwehlobo.

AmaHubo 90:15

Sithokozise kube ngangensuku owasihlupha ngazo, langeminyaka esabona okubi kuyo.

UmTshumayeli 1:13

nganikela ingqondo yami ukudinga lokuhlolisisa ngokuhlakanipha konke okwenziwayo ngaphansi kwelanga; kungumsebenzi onzima uNkulunkulu awunike abantu ukuwusebenza.

UmTshumayeli 1:18

Ngoba ekuhlakanipheni okunengi kulokukhathazeka okunengi, lowandisa ulwazi wandisa usizi.

UmTshumayeli 2:11

Ngasengihlolisisa konke okwenziwe yizandla zami, kanye lokutshikatshika kwami; konke kwakulize lamaya, kwakungekho nzuzo ngaphansi kwelanga.

UmTshumayeli 5:12

Isisebenzi silala ubuthongo obumnandi loba sisidla okulutshwana loba okunengi; kodwa onothileyo olokunengi kakhulu ahluleke ukulala.

UmTshumayeli 5:17

echitha zonke insuku zakhe emnyameni lasosizini, ekukhathazekeni lasemkhuhlaneni lasekuthukutheleni na?

UmTshumayeli 8:16

Lapho ngidinga ngengqondo yami ukuba ngizuze ukuhlakanipha lokubona umsebenzi owenziwa emhlabeni, umuntu angalali ubuthongo emini lebusuku,

UDanyeli 6:18

Inkosi yasisiya endlini yayo, yazila ukudla ngalobobusuku; kakulethwanga sifazana kuyo, yaswela lobuthongo.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.