UmTshumayeli 2:22 - iBhayibhili Elingcwele 1978

²² Umuntu uzuzani ngokutshikatshika langobuhlungu asebenza ngakho ngaphansi kwelanga na?

IBhayibhili Elingcwele LesiNdebele

²² Umuntu uzuzani ngakho konke ukusebenza nzima langokutshikatshika kabuhlungu lapha emhlabeni?

UmTshumayeli 2:22 ပူးပေါင်းရင်းမြစ်များ

AmaHubo 127:2

Kuyize kini ukuba livuke ekuseni liphuze ukuphumula, lidle ukudla kokusebenza nzima; ngoba iNkosi iyamnika ubuthongo emthandayo.

Izaga 16:26

Iphango lesisebenzi lisenze ukuba sisebenze, ukulamba kwaso kuyasikhuthaza.

UmTshumayeli 1:3

Kumbuyiselani umuntu konke ukusebenza kwakhe akusebenza ngaphansi kwelanga na?

UmTshumayeli 2:11

Ngasengihlolisisa konke okwenziwe yizandla zami, kanye lokutshikatshika kwami; konke kwakulize lamaya, kwakungekho nzuzo ngaphansi kwelanga.

UmTshumayeli 3:9

Uzuzani umuntu ngokusebenza kwakhe na?

UmTshumayeli 4:6

Kodwake kungcono isandla esisodwa esigcweleyo kanye lokuthula kulezandla ezimbili ezigcwele ukutshikatshika kanye lamaya.

UmTshumayeli 4:8

ngabona umuntu ongelabani indodana kumbe umfowabo etshikatshika njalonjalo enganeliswa yinotho yakhe engazibuzi ukuthi: Ngitshikatshikela bani, ngidele ukuzithokozisa na? Lokho lakho kulize lomsebenzi omubi.

UmTshumayeli 5:17

echitha zonke insuku zakhe emnyameni lasosizini, ekukhathazekeni lasemkhuhlaneni lasekuthukutheleni na?

UmTshumayeli 8:15

Ngakho ngibabaza ukuzithokozisa; ngoba umuntu kalalutho oluhle ngaphansi kwelanga kuphela ukudla lokunatha, azithokozise, ngoba lokhu kuzakuba laye ekutshikatshikeni kwakhe ensukwini zokuphila kwakhe uNkulunkulu amnike zona ngaphansi kwelanga.

UMatewu 16:26

Ngoba kuzamsizani umuntu ukuzuza umhlaba wonke, alahlekelwe yikuphila kwakhe; ingabe anganikani umuntu kube yinhlawulo yokuphila kwakhe na?

UMatewu 6:11

Siphe lamhla ukudla kwethu kwensuku ngensuku.

UMatewu 6:25

Ngakhoke ngithi kini: Lingaphisekeli ukusila kwenu ukuba lizakudlani lokuba lizakunathani, lomzimba wenu ukuba lizakwambathani. Ukusila kakudluli yini ukudla, lomzimba kawudluli izambatho na?

UMatewu 6:34

Ngakho lingaphisekeli ikusasa, ngoba ikusasa izakuziphisekela yona. Inkathazo yosuku yanele lona.

ULukha 12:22

Wasesithi kubafundi bakhe: Ngakhoke ngithi kini: Lingaphisekeli ukusila kwenu ukuba lizakudlani, loba umzimba wenu ukuba lizakwambathani.

ULukha 12:29

Lanike lingadingi elizakukudla lelizakukunatha; lingakhathazeki.

1 AbaseKhorinte 16:16

ngiyalincenga ukuba lizehlisele ngaphansi kwabanjalo labo bonke abasebenza kanye labo.

AbaseFiliphi 4:6

Lingakhathazeki ngalutho, kodwa kukho konke izicelo zenu kazaziwe nguNkulunkulu ngokukhuleka langokunxusa kanye langokubonga.

1 uTimothi 6:8

kodwa uba silokudla lezambatho kasaneliswe yikho.

1 UPhethro 5:7

Lethulele phezu kwakhe izinkathazo zenu zonke, ngoba uyalikhathalela.