UmTshumayeli 12:14 - iBhayibhili Elingcwele 1978

¹⁴ Ngoba uNkulunkulu uzakwahlulela konke esikwenzayo layo yonke imfihlo, okuhle lokubi.

IBhayibhili Elingcwele LesiNdebele

¹⁴ Ngoba uNkulunkulu uzazahlulela zonke izenzo, lalokho okufihliweyo loba kuhle loba kubi.

UmTshumayeli 12:14 ပူးပေါင်းရင်းမြစ်များ

UJobe 19:29

Qaphelisisani umhedla okhombe kini, umhedla oqeda bonke ububi; lizakwazi ukuba ukhona umahluleli.

AmaHubo 50:21

Lokhu ukwenzile, ngathula; wacabanga ukuthi nginjengawe. Kodwa khathesi ngiyakukhuza, ngikutshengise amacala akho.

AmaHubo 90:8

Ubekile iziphambeko zethu phambi kwakho, lezono zethu ezifihlakeleyo ekukhanyeni kobuso bakho.

AmaHubo 96:13

phambi kweNkosi, ngoba iyeza, iyeza ukwahlulela umhlaba; izakuwahlulela umhlaba ngokulunga, labantu ngeqiniso layo.

UmTshumayeli 11:9

Thokoza, jaha, ebutsheni bakho, ikuthokozise lenhliziyo yakho ensukwini zobutsha bakho, ulandele indlela ezithandwa yinhliziyo yakho lezinto ezithandwa ngamehlo akho. Kodwa yazi ukuthi ngazo zonke lezizinto uNkulunkulu uzakukuthonisisa.

UmTshumayeli 3:17

Ngasengisithi: UNkulunkulu uzathonisisa abalungileyo lababi ngoba kumisiwe isikhathi sakho konke okuqondiweyo lokwenziweyo.

UMatewu 10:26

Ngakhoke lingabesabi; ngoba kakukho okufihliweyo okungayikubonakaliswa, lokuthukuziweyo okungayikwaziwa.

UMatewu 12:36

Ngithi kini: Amazwi wonke ayize abawakhulumayo abantu, bazakuziphendulela ngawo ngosuku lokuthonisiswa.

UJohane 5:29

kuthi labo abenze okulungileyo baphumele ekuvukeni kokuphila, lalabo abenze okubi baphumele ekuvukeni kokulahlwa.

AbaseRoma 2:16

ngosuku uNkulunkulu azakuthonisisa ngalo imfihlakalo zenhliziyo zabantu ngoKristu Jesu; litsho njalo ivangeli lami.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

2 AbaseKhorinte 5:10

Thina sonke simele ukuma phambi kwesihlalo sokuthonisisa sikaKristu, ukuze ilowo lalowo amukele njengalokhu akwenzileyo esemzimbeni, okuhle ingabe okubi.