UmTshumayeli 12:13 - iBhayibhili Elingcwele 1978

¹³ Nanko ukuphela kwendaba. Usuyizwile yonke. Mesabe uNkulunkulu, ulalele imilayo yakhe; kakukho okwedlula lokho emuntwini.

IBhayibhili Elingcwele LesiNdebele

¹³ Manje-ke konke sekuzwakele; nansi isiphetho sendaba: Mesabe uNkulunkulu ugcine imiyalo yakhe, ngoba lo yiwo wonke umlandu womuntu.

UmTshumayeli 12:13 ပူးပေါင်းရင်းမြစ်များ

UGenesisi 22:12

Sathi: Musa ukubeka isandla sakho emfaneni, ungenzi lutho kuye, ngoba sengisazi ukuthi uyamesaba uNkulunkulu, lokhu ungalanga lendodana yakho eyodwa.

1 AmaKhosi 2:3

ugcine umlayo weNkosi uNkulunkulu wakho, uhambe ngezindlela zayo, ugcine izimiso zayo lemithetho yayo lezilayezelo zayo, lamazwi ayo, njengokulotshiweyo emlayweni kaMose, ukuba uphumelele kukho konke okwenzayo lalapho uya khona,

UJobe 28:28

Wathi emuntwini: Khangela, ukuyesaba iNkosi yikho okuyikuhlakanipha, lokusuka ebubini kuyikuqedisisa.

AmaHubo 111:10

Ukuyesaba iNkosi kuyikuqala kokuhlakanipha; balengqondo enhle bonke abalakho. Ukudunyiswa kwayo kumi kuze kube nini lanini.

AmaHubo 145:19

Iyakholisa isifiso sabo bonke abayesabayo; iyezwa lokukhuleka kwabo, ibakhulule.

AmaHubo 147:11

Kodwa iNkosi ijabulela labo abayesabayo, labo abathemba uthando lwayo olungapheliyo.

Izaga 1:7

Ukuyesaba iNkosi kuyikuqala kokwazi, kodwa izithutha ziyadelela ukuhlakanipha lokufundiswa.

Izaga 19:23

Ukuyesaba iNkosi kuyikuphila, olakho uzahlala ethokoza, evikelekile enhluphekweni.

Izaga 23:17

Ungazifeli umona izoni; kodwa uqhubeke ngokuyesaba iNkosi insuku zonke.

UmTshumayeli 2:3

Ngadinga ukuzithokozisa ngewayini, kodwa ingqondo yami iqondiswa yikuhlakanipha; ngadinga ukwenza ubuthutha ukuba ngibone okubathokozisayo abantu, labakwenzayo ngaphansi kwelanga ekuphileni kwabo okufitshane.

UmTshumayeli 3:14

Ngiyazi ukuthi konke uNkulunkulu akwenzayo kuhlala kokuphela; kakukho okwengezelelwa kukho lokuphungulwa kukho; uNkulunkulu wakwenza kwaba njalo ukuze umuntu esabe phambi kwakhe.

UmTshumayeli 5:7

Lanxa uphupha amaphupho amanengi, wenze okulize, ulawule, kumele umesabe uNkulunkulu.

UmTshumayeli 6:12

Ngoba ngubani okwaziyo okumfaneleyo umuntu esahlezi insuku eziyingcosana zokuphila kwakhe okulize okudlula njengesithunzi na? Ngubani ongatshela umuntu lokho okuzakuba khona ngemva kwakhe ngaphansi kwelanga na?

UmTshumayeli 7:18

Kuhle ukuba ubambelele kokunye, ungakuyekeli lokunye; ngoba umuntu omesabayo uNkulunkulu uzaphepha kukho kokubili.

UmTshumayeli 8:12

Lanxa isoni sisenza okubi izikhathi ezilikhulu siphile isikhathi eside, kodwa ngiyazi ukuthi kuzabalungela labo abamesabayo uNkulunkulu, ngoba bayamesaba.

UmTshumayeli 8:5

Yena olalela umlayo kayikwehlelwa yingozi, lengqondo yomuntu ohlakaniphileyo iyasazi isikhathi lendlela yokwenza.

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

ULukha 1:50

Isihawu sakhe sikuzo zonke izizukulwana zalabo abamesabayo.

UDutheronomi 10:12

Khathesike, Israyeli, iNkosi uNkulunkulu wakho ifunani kuwe ngaphandle kokuba uyesabe iNkosi uNkulunkulu wakho, uhambe ngendlela zayo zonke, uyithande, uyikhonze ngenhliziyo yakho yonke langomphefumulo wakho wonke,

UDutheronomi 10:20

Lizakuyesaba iNkosi uNkulunkulu wenu, liyikhonze, libambelele kuyo, lifunge ngebizo layo.

UDutheronomi 4:10

ukuthi mhla wosuku elema ngalo phambi kweNkosi uNkulunkulu wenu eHorebe, iNkosi yathi kimi: Ngibuthanisela abantu ukuba ngibazise amazwi ami, ukuze bafunde ukungesaba zonke insuku zokuhamba kwabo emhlabeni, bafundise njalo labantwana babo.

UDutheronomi 4:2

Kaliyikwengezelela lutho elizwini engililaya ngalo, lingaphunguli lutho kulo, ukuba ligcine imilayo yeNkosi uNkulunkulu wenu engililaya yona.

UDutheronomi 6:2

ukuze uyesabe iNkosi uNkulunkulu wakho wena lendodana yakho lendodana yendodana yakho, ugcine zonke izimiso zayo lemithetho yayo engikulaya yona, zonke insuku zokuhamba kwakho, ukuze insuku zakho zande.

1 UPhethro 2:17

Hloniphani abantu bonke, lithande abazalwane, limesabe uNkulunkulu, lihloniphe inkosi enkulu.

Isambulo 19:5

Kwasekuzwakala ilizwi livela esihlalweni sobukhosi lisithi: Mdumiseni uNkulunkulu wethu lina lonke zinceku zakhe, elimesabayo, abakhulu labancinyane.

1 USamuyeli 12:24

Yesabani iNkosi kuphela, liyikhonze ngeqiniso langenhliziyo yenu yonke. Khangelani okukhulu elenzele khona.