UmTshumayeli 10:19 - iBhayibhili Elingcwele 1978

¹⁹ Ukudla kwenzelwe ukuhleka, lewayini lithokozisa ukusila; ngemali umuntu angazuza konke.

IBhayibhili Elingcwele LesiNdebele

¹⁹ Idili lenzelwa ukujabula, lewayini lenza impilo ibe mnandi, kodwa imali yiyo impendulo yakho konke.

UmTshumayeli 10:19 ပူးပေါင်းရင်းမြစ်များ

UGenesisi 43:34

UJosefa wababela ekudleni okwakuphambi kwakhe; kodwa isabelo sikaBenjamini saphindwa kahlanu silinganiswa lesabelo sabanye. Banatha bajabula laye.

2 USamuyeli 13:28

UAbisalomu waselaya inceku zakhe esithi: Khangelani, nxa uAmnoni esethokoza ngewayini, lapho ngisithi kini: Bulalani uAmnoni, limbulale. Lingesabi, ngoba ngizabe ngililayile. Lime isibindi, libe ngamaqhawe.

1 ImiLando 21:24

Kodwa inkosi uDavida yathi: Atshi bo, kodwa ngizakuthenga ngentengo yaso epheleleyo; kangiyikunikela eNkosini okungokwakho, loba nginikele iminikelo yokutshiswa engangibizanga lutho.

U-Ezra 1:6

Bonke ababehlala labo babasiza ngokubanika izitsha zesiliva langegolide langempahla langenkomo langezipho ezinengi eziligugu, ngaphezu kwalokho okwakunikelwe ngesihle.

UNehemiya 5:8

ngathi kibo: Thina ngamandla esilawo sibahlengile abakithi abaJuda ababethengiswe kwezinye izizwe; kodwa lina selithengisa abakini, lizabuya libathenge lina uqobo na? Bathula bathi zwi, ngoba bengelakho abangakutsho.

U-Esta 1:10

Ngosuku lwesikhombisa, nxa inkosi isilomdlozela, yalaya oMehumani loBizitha loHaribona loBigitha loAbagitha loZethari loKarikasi, abathenwa abayisikhombisa ababeyisebenzela

AmaHubo 104:15

lewayini elithokozisa inhliziyo, lamagcobo ajabulisayo, lesinkwa sokumqinisa.

AmaHubo 112:9

Uphana kakhulu, ubanika abayanga; ukulunga kwakhe kuhlala kuze kube nininini; uyaphakanyiswa ngodumo.

UmTshumayeli 2:3

Ngadinga ukuzithokozisa ngewayini, kodwa ingqondo yami iqondiswa yikuhlakanipha; ngadinga ukwenza ubuthutha ukuba ngibone okubathokozisayo abantu, labakwenzayo ngaphansi kwelanga ekuphileni kwabo okufitshane.

UmTshumayeli 9:7

Hamba uyekudla ukudla kwakho ngokuthokoza, unathe lewayini lakho ngenhliziyo emhlophe, ngoba uNkulunkulu usekuvumile lokho okwenzayo.

U-Isaya 23:18

Intengo yalo lenzuzo yalo kuzakwahlukaniselwa iNkosi; kakuyikubuthelelwa kulondolozwe, kodwa kuzakuba ngokwabadumisa iNkosi, ukuba badle basuthe, bagqoke okuhle.

U-Isaya 24:11

Kukhalelwa iwayini ezindleleni; yonke intokozo inyamalele, lenjebulo emhlabeni iphelile.

UMatewu 17:27

Kodwake ukuba singabakhubekisi, yana olwandle, uphose ingwegwe uthathe inhlanzi ebanjwe kuqala; kuzakuthi usuvule umlomo wayo uzakufumana imali; uyithathe ubanike ibe ngumthelo wami lowakho.

UMatewu 19:21

UJesu wathi kuyo: Uba uthanda ukuphelela, hamba uthengise impahla yakho, ubaphe abayanga, ng’khona uzakuba lenotho ezulwini; uze ungilandele.

ULukha 12:19

Besengisithi kumphefumulo wami: Mphefumulo, ulempahla ezinengi ezibekelwe iminyaka eminengi; phumula, udle, unathe, uthokoze.

ULukha 16:9

Lami ngithi kini: Zenzeleni lina abangane ngenotho engalunganga ukuze kuthi, nxa isiphelile, balamukele ezindlini ezingapheliyo.

ULukha 8:3

loJowana umkaKuza induna kaHerodi, loSusana, labanye abanengi, ababebasiza ngempahla yabo.

Imisebenzi 11:29

Abafundi bazimisela ukuba ilowo lalowo wabo athumele njengamandla akhe okokusiza abazalwane abahlala eJudiya.

Imisebenzi 2:45

bathengisa izinto zabo lempahla zabo, babelana bonke njengokuswela kwabo.

1 UPhethro 4:3

Isikhathi esedlulileyo sanele ukwenza okuthandwa ngabezizwe, ukuhamba ngamanyala, langezinkanuko, langokudakwa, langokuminza, langokuxokozela, langokukhonza izithombe.

Abahluleli 14:10

Uyise wayibona intombi, loSamsoni wenza idili khona, ngoba zazisenza njalo insizwa.

Abahluleli 9:13

Kodwa isihlahla sevini sathi kuzo: Ngizatshiya iwayini lami elithokozisa onkulunkulu labantu, ngiyebusa izihlahla na?

1 USamuyeli 25:36

UAbigayili wabuyela kuNabali, wamfica eledili endlini yakhe, idili elinjengelenkosi. UNabali wayethokoza ngoba wayenathe kakhulu; ngakho uAbigayili kamtshelanga lutho kwaze kwasa.