UmTshumayeli 1:13 - iBhayibhili Elingcwele 1978

¹³ nganikela ingqondo yami ukudinga lokuhlolisisa ngokuhlakanipha konke okwenziwayo ngaphansi kwelanga; kungumsebenzi onzima uNkulunkulu awunike abantu ukuwusebenza.

IBhayibhili Elingcwele LesiNdebele

¹³ Ngazinikela ekufundeni lokudingisisa ngolwazi konke okwenziwayo ngaphansi kwezulu. Unzima kangakanani umthwalo uNkulunkulu awethese abantu!

UmTshumayeli 1:13 ပူးပေါင်းရင်းမြစ်များ

UGenesisi 3:19

Ngesithukuthuku sobuso bakho uzakuzuza ukudla, uze ubuyele emhlabathini owathathwa kuwo; ngoba ungumhlabathi, uzabuyela emhlabathini.

UJobe 28:3

Abantu bawukhanyisa umnyama lapho betshona phansi ukudinga amanyele endaweni ezilomnyama omkhulu.

AmaHubo 111:2

Mikhulu imisebenzi yeNkosi, labo abayithandayo bayayifunda.

Izaga 18:1

Ozihlalela yedwa ufuna eyakhe intando; uthukutheliswa yizeluleko zonke.

Izaga 18:15

Olengqondo ehlakaniphileyo uzuza ukwazi, lendlebe yohlakaniphileyo ilalela ukuzuza ukwazi.

Izaga 23:26

Mntanami, ungilalele, uzigcine uzilandele indlela zami.

Izaga 25:2

Udumo lukaNkulunkulu luyikufihla izinto, kodwa udumo lwamakhosi luyikuveza izindaba.

Izaga 4:7

Ukuhlakanipha kudlula konke; zuza ukuhlakanipha; uzuze ukuqedisisa ngakho konke olakho;

UmTshumayeli 1:17

Nganginikela ingqondo yami ukwazi ukuhlakanipha, lokwazi ukuhlanya lobuthutha, ngabona ukuthi lokhu lakho kungamaya.

UmTshumayeli 11:5

Njengoba ungazi ukuthi impilo iqalisa njani esiswini sowesifazana okhulelweyo, ngokunjalo kawazi ukuba uNkulunkulu owenza zonke izinto usebenza kanjani.

UmTshumayeli 12:12

Nansi esinye isixwayiso, mntanami; ukwenziwa kwezingwalo kakupheli, lokufunda okunengi kuyadinisa.

UmTshumayeli 2:23

Ngoba insuku zakhe zonke zigcwele ubuhlungu, lomsebenzi wakhe uyikukhathazeka; lasebusuku ingqondo yakhe kayiphumuli. Lalokho lakho kulize.

UmTshumayeli 2:26

Ngoba uNkulunkulu uyamnika umuntu omthokozisayo ukuhlakanipha lolwazi lokuthokoza; kodwa isoni uyasinika umsebenzi wokubutha lokubuthelela ukuze sinike yena othokozisa uNkulunkulu. Lalokho lakho kulize lamaya.

UmTshumayeli 3:10

Ngiwubonile umsebenzi uNkulunkulu awunike abantu ukuba bawenze.

UmTshumayeli 3:11

Ukwenzile konke ukuba kube kuhle ngesikhathi sakho; wamnika lomuntu ukwazi isikhathi esidlulileyo lesizayo; kodwa kalakho ukuqedisisa umsebenzi kaNkulunkulu kusukela ekuqaleni kuze kube sekucineni.

UmTshumayeli 4:4

Ngasengibona ukuthi ukusebenza lakho konke ukuphumelela kuvela ekuncintanisaneni kwabantu. Lokho lakho kulize lamaya.

UmTshumayeli 4:8

ngabona umuntu ongelabani indodana kumbe umfowabo etshikatshika njalonjalo enganeliswa yinotho yakhe engazibuzi ukuthi: Ngitshikatshikela bani, ngidele ukuzithokozisa na? Lokho lakho kulize lomsebenzi omubi.

UmTshumayeli 7:25

Ngaqala ukucabanga, ngamisela ingqondo yami ukudinga lokufuna ukuhlakanipha lokwazi isimo sezinto; ngafumanisa kuphela ukuthi kuyibuthutha ukuba ngomubi, lokuthi kuyikuhlanya ukwenza njengesithutha.

UmTshumayeli 8:9

Konke lokhu ngakubona lapho ngihlolisisa ngengqondo yami konke okwenziwa ngaphansi kwelanga; ngabona abantu bephethene ngokulukhuni bezwisana ubuhlungu.

1 uTimothi 4:15

Nanzelela lezizinto, uzikhuthalele, ukuze bonke babone ukuqhubeka kwakho.