UMikha 6:16 - iBhayibhili Elingcwele 1978

¹⁶ Ngoba ligcinile izimiso zikaOmri, lenzile yonke imisebenzi yendlu kaAhabi, lahamba ngamacebo abo, ngakho ngizalichitha, labakhileyo benu babe yinhlekisa; lizakweyiswa ngabantu.

IBhayibhili Elingcwele LesiNdebele

¹⁶ Ugcinile imithetho ka-Omri layo yonke imikhutshana yasendlini ka-Ahabi, walandela lamasiko abo. Ngakho-ke ngizakunikela ekubhujisweni, labantu bakho ekubeni yinhlekisa; uzathwala ihlazo lezizwe.”

UMikha 6:16 ပူးပေါင်းရင်းမြစ်များ

1 AmaKhosi 18:4

kwathi lapho uJezebeli ebulala abaprofethi beNkosi, uObadiya wathatha abaprofethi abalikhulu, wabafihla ngamatshumi amahlanu obhalwini, wabanika ukudla lamanzi —

1 AmaKhosi 9:8

Lindlu izakuba lunxiwa, kuthi wonke umuntu odlulayo kiyo amangale ancife, athi: INkosi ikwenzeleni okunje kulelilizwe lakulindlu na?

2 AmaKhosi 16:3

Kodwa walandela indlela zamakhosi akoIsrayeli, watshisa lendodana yakhe yaba ngumnikelo elingisa amanyala enziwa yizizwe iNkosi eyazixotsha phambi kwabakoIsrayeli.

2 AmaKhosi 21:3

Wabuya wakha indawo eziphakemeyo zokukhonzela uyise uHezekiya ayeziqedile, wakhela uBali ama‐altare, wenza insika zikankulunkulukazi uAshera, njengokwenza kukaAhabi inkosi yakoIsrayeli, wadumisa zonke inkanyezi zaphezulu, wazikhonza.

2 ImiLando 22:4

Wenza okubi phambi kweNkosi njengendlu kaAhabi, ngoba ngemva kokufa kukayise babengabeluleki bakhe, bamlethela ukuchitheka.

2 ImiLando 34:25

Ngoba bangidelile, batshisela abanye onkulunkulu impepha, ukuze bangithukuthelise ngezithombe zabo abazenzayo; ngakho ulaka lwami luzakwehlela phezu kwalindawo, lungadedi.

AmaHubo 1:1

Ubusisiwe umuntu ongahambi ngezeluleko zababi, ongalaleli izeluleko zezoni, ongahlaliyo labaklolodayo;

AmaHubo 44:13

Usenze saba lihlazo kwabakhelene lathi, inhlekisa lendumazo kwabasiphahlileyo.

AmaHubo 44:14

Usenze saba yisiga phakathi kwezizwe, into yokuhlekisa phakathi kwabantu.

U-Isaya 25:8

Izakuqeda ukufa kokuphela. INkosi uNkulunkulu izakwesula inyembezi emehlweni wonke, isuse lehlazo labantu bayo emhlabeni wonke; ngoba iNkosi ikhulumile.

U-Isaya 9:16

Ngoba labo abakhokhela lababantu bayabaduhisa, lalabo abakhokhelwa yibo bayachitheka.

UJeremiya 19:8

Ngenze lumuzi ube yinto eyesabekayo, into yokuncifelwa; bonke abadlula khona bazatshaqeka, bancife ngenxa yazo zonke inhlupheko zawo.

UJeremiya 25:18

ngitsho iJerusalema lemizi yakoJuda, amakhosi alo lezikhulu zalo, ukuba kuchitheke, kube yinkangala, lento yokuncifelwa leyokuthukwa, njengoba kunjalo lalamhla;

UJeremiya 25:9

ngizabiza izizwe zasenyakatho, kutsho iNkosi, loNebukadineza inkosi yaseBabiloni inceku yami, ngizilethe kulelilizwe lakwabakhileyo kulo, lakuzo zonke izizwe eziseduze lalo, ngibabhubhise, ngibenze babe yinto eyesabekayo, into yokuncifelwa, lehlazo elingapheliyo.

UJeremiya 29:18

Ngizaxotshana labo ngempi langendlala langomkhuhlane, ngibenze babe yinto eyesabekayo kuyo yonke imibuso yomhlaba, babe yisiqalekiso, lesimangaliso, lento yokuncifelwa, lehlazo, phakathi kwazo zonke izizwe lapho ngibaxotshele khona;

UJeremiya 51:51

Siyangekile ngoba sizwile ihlazo; ubuso bethu bulenhloni, ngoba abezizwe sebefikile ezindaweni ezingcwele zethempeli.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

Izililo 5:1

Khumbula, Nkosi, okusehleleyo, khangela ubone ihlazo lethu.

UHezekhiyeli 39:26

Bazakhohlwa ihlazo labo lokungikhohlisa kwabo konke, nxa sebehlale elizweni labo kungasekho lobethusayo,

UDanyeli 9:16

Nkosi, ngakho konke ukulunga kwakho dedisa ulaka lwakho lokuthukuthela kwakho emzini waseJerusalema, entabeni yakho engcwele. Ngoba ngenxa yezono zethu langobubi babokhokho iJerusalema labantu bakho bayisiga phakathi kwabo bonke abasihanqileyo.

UHosiya 12:14

UEfrayimi ucunule kabuhlungu; ngakho iNkosi yakhe izakwehlisela phezu kwakhe icala lakhe legazi, ibuyisele kuye inhlamba yakhe.

UHosiya 5:11

UEfrayimi ungumcindezeli onyathela okufaneleyo, ngoba ezimisele ukulandela okulize.

UMikha 2:6

Abantu batshumayela bathi: Lingatshumayeli, lingatshumayeli ngalezizinto; ihlazo kaliyikusehlela.

UMikha 6:13

Ngakhoke sengizakulitshaya, ngilichithe ngenxa yezono zenu.

Isambulo 2:20

Kodwa ngilalokhu ngawe ukuthi umvumele owesifazana uJezebeli, ozibiza ngokuthi ungumprofethikazi, ukufundisa aduhise inceku zami ukuba ziphinge, lokuba zidle ukudla okuhlatshelwe izithombe.