UMikha 6:14 - iBhayibhili Elingcwele 1978

¹⁴ Lizakudla, kodwa lingasuthi, kube khona ukulamba ngaphakathi kwenu; lizakulondoloza, kodwa kungalondolozeki; lalokhu elikulondolozayo ngizakukunikela empini.

IBhayibhili Elingcwele LesiNdebele

¹⁴ Uzakudla kodwa ungasuthi; isisu sakho sizakuba silokhu singelalutho. Uzabuthelela kodwa ungalondolozi lutho, ngoba lokho okulondolozayo ngizakupha inkemba.

UMikha 6:14 ပူးပေါင်းရင်းမြစ်များ

U-Isaya 30:6

Leli yilizwi ngezilo zaseNegebi. Abathunyiweyo badabula ilizwe elilengozi lokuhlupheka, lapho kukhona izilwane, lamabululu lenyoka eziphaphayo, bethwele inotho ngabobabhemi, lempahla yabo eligugu ngamakamela, bekusa ebantwini abangelakubasiza ngalutho.

U-Isaya 65:13

Ngakhoke iNkosi uNkulunkulu ithi: Inceku zami zizakudla, kodwa lina lizalamba: inceku zami zizanatha, kodwa lina lome; inceku zami zizathokoza, lina liyangeke;

U-Isaya 9:20

Bayahluthuna ngakwesokunene, kodwa babe belokhu belambile, badle ngakwesokhohlo, kodwa kabasuthi; lowo lalowo udla abantwana bakhe,

UJeremiya 48:44

Obalekela ukwesaba uzawela emgodini, lophuma emgodini uzabanjwa ngumjibila. Ngoba lezizinto ngizazehlisela eMowabi ngomnyaka wokutshaywa kwabo, kutsho iNkosi.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHosiya 4:10

Bazakudla, kodwa bangasuthi; bazawula, kodwa bangandi; ngoba bawulile ngokudela iNkosi.

ULevi 26:26

Lapho nginciphisa ukudla kwenu, abesifazana abalitshumi bazapheka izinkwa zenu eziko linye, balinike izinkwa ngobunzima bazo; lizakudla, kodwa lingasuthi.

UHagayi 1:6

Lihlanyele okunengi, lavuna okuyingcosana; liyadla, kodwa kalisuthi; liyanatha, kodwa kalikholwa; ligqoke lingakhudumali, lohola imali uholela ukuyifaka esikhwameni esivuzayo.

UHagayi 2:16

kwakunjani kini na? Lapho umuntu esiya enqwabeni yezilinganiso ezingamatshumi amabili zamabele, wafumanisa itshumi nje; lalapho esiya emphandeni wewayini ukukha imbiza ezingamatshumi amahlanu, wafumanisa amatshumi amabili nje.