UMikha 3:5 - iBhayibhili Elingcwele 1978

⁵ INkosi ithi ngabaprofethi abaduhisa abantu bami, ababathembisa ukuthula lapho besazuza ukudla, kodwa lowo ongabaniki ukudla balwe laye:

IBhayibhili Elingcwele LesiNdebele

⁵ Nanku okutshiwo nguThixo: “Okunjengabaphrofethi, abedukisa abantu bami, umuntu angabapha ukudla, bamemezela ‘ukuthula’ nxa engabaphi balungisela ukumhlasela ngempi.

UMikha 3:5 ပူးပေါင်းရင်းမြစ်များ

Izaga 28:21

Ukubandlulula abantu ekwahluleleni kakulunganga; kodwa umuntu angona ukuba azuze ucezu lwesinkwa nje.

U-Isaya 3:12

Abebolekisi bemali bacindezela abantu bami, abanika izikwelede bayabakhohlisa. Lina bantu bami, abakhokheli benu bayaliduhisa, baphambanisa indlela zenu.

UJeremiya 23:27

abacabanga ukwenza abantu bami ukuba bakhohlwe ibizo lami ngamaphupho abo abawaxoxayo, njengaboyise abalikhohlwayo ilizwi lami ngenxa kaBali?

UJeremiya 23:32

Ngimelana lalabo abaxoxa amaphupho amanga, baduhise abantu bami ngamanga abo langokuwalazela kwabo, ngingabathumanga, ngabalaya; ngakho kababasizi ngalutho lababantu, kutsho iNkosi.

UJeremiya 6:14

Kabawelaphisisi amanxeba abantu bami, bathi: Konke kulungile. Khona, kungalunganga.

UJeremiya 6:4

Hlomelani ukulwa lalo; sukani silihlasele emini. Maye babo! ngoba ilanga selithambeme, lamathunzi okuhlwa aselulekile.

Izililo 2:14

Abaprofethi bakho babonile imibono engamanga leyinkohliso ngawe. Kabakuvezanga ukona kwakho ukuze babuyise inhlanhla yakho, kodwa babonile imibono yamanga leduhisayo ngawe.

UHezekhiyeli 13:9

Isandla sami sizamelana labaprofethi ababona imibono yenkohliso, bavumise amanga. Kabayikuba semhlanganweni wabantu bami, loba babhalwe oluhlwini lwakoIsrayeli, kabayikungena elizweni lakoIsrayeli; lizakwazi ukuba ngiyiNkosi uNkulunkulu.

UHosiya 4:5

Uzakhubeka emini lebusuku, umprofethi uzakhubeka kanye lawe; uyasibulala isizwe sakini.

UJoweli 3:9

Memezelani lokhu phakathi kwezizwe lithi: Lungiselani impi, livuse amaqhawe. Kawasondele wonke amadoda empi, azilungisele impi.

UMikha 2:11

Uba kuhambahamba umuntu okhuluma umoya lamanga esithi: Ngizalitshumayeza ngewayini lotshwala: uzakuba ngumtshumayeli abamthandayo lababantu.

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

UMalaki 2:8

Kodwa lina bapristi, liphambukile endleleni, lakhubekisa abanengi ngokufundisa kwenu; lasona isivumelwano sikaLevi, kutsho iNkosi yamabandla.

UMatewu 15:14

Bayekeleni; bangabakhokheli abayiziphofu. Alubana isiphofu sikhokhela isiphofu, zizakuwela emgodini zombili.

UMatewu 7:15

Xwayani abaprofethi bamanga abeza kini bembathise okwezimvu, kodwa ngaphakathi bazimpisi eziphangayo.

AbaseRoma 16:18

ngoba abanjalo kabakhonzi iNkosi yethu uKristu, kodwa bakhonza inkanuko zabo; ngamazwi langokulalisa ngolimi bakhohlisa izinhliziyo zabangelacala.