UMikha 3:4 - iBhayibhili Elingcwele 1978

⁴ Lizakhuleka eNkosini, kodwa kayiyikuliphendula; izakulifihlela ubuso bayo ngalesosikhathi, ngoba lenzile okubi.

IBhayibhili Elingcwele LesiNdebele

⁴ Lapho-ke bazakhala kuThixo, kodwa kayikubaphendula. Ngalesosikhathi uzabafihlela ubuso bakhe ngenxa yobubi ababenzileyo.

UMikha 3:4 ပူးပေါင်းရင်းမြစ်များ

UJobe 27:9

UNkulunkulu uzakuzwa ukukhala kwakhe yini nxa esehlelwa yikuhlupheka na?

UJobe 35:13

Impela uNkulunkulu kakuzwa ukukhala okuyize, loSomandla kakunanzi.

AmaHubo 18:41

Bakhala, kodwa kakubanga khona abasizayo; bakhala eNkosini, kodwa kayiphendulanga.

Izaga 1:28

Ng’khona bazangibiza, kodwa kangiyikusabela; Bazangifunisisa, kodwa kabayikungifumana.

Izaga 28:9

Uba umuntu engawulaleli umlayo, lemikhuleko yakhe izakuba yisinengiso.

U-Isaya 1:15

Lapho liselulela izandla zenu kimi, ngizalifihlela amehlo ami; lanxa lisenza imikhuleko eminengi, kangiyikuyilalela; izandla zenu zigcwele igazi.

U-Isaya 3:11

Maye komubi! Kuzakuba kubi kuye, ngoba lokho okwenziwe ngezandla zakhe kuzakwenziwa lakuye.

UJeremiya 11:11

Ngakhoke ngizabehlisela okubi, kabayikukuphepha; lanxa bekhala kimi, kangiyikubalalela, kutsho iNkosi.

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 33:5

AmaKaladiya azafika ukulwa, azigcwalise ngezidumbu zabantu engizababulala ekuthukutheleni kwami lasekufuthekeni kwami; ngoba lumuzi ngiwufihlele ubuso bami ngenxa yobubi babo bonke.

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

UHezekhiyeli 8:18

Ngizabasukela ekuthukutheleni kwami. Kangiyikubayekela ngibahawukele; lanxa bekhala kakhulu, kangiyikubezwa.

UMikha 3:7

Ababoni bazayangeka, lezanuse zibe lenhloni, bambomboze imilomo yabo, ngoba kungaveli impendulo kuNkulunkulu.

UMikha 7:13

Kodwa ilizwe lizachitheka ngenxa yobubi babakhileyo kilo.

UZakhariya 7:13

INkosi yamabandla yathi: Njengoba ngababiza, kabaze bezwa, labo babiza, lami kangaze ngezwa.

UMatewu 7:22

Abanengi bazakuthi kimi ngalolosuku: Nkosi, Nkosi, kasitshumayelanga yini ngebizo lakho, sakhupha omoya ababi ngebizo lakho, senza imisebenzi emikhulu eminengi ngebizo lakho, na?

ULukha 13:25

Nxa umninindlu esesukume wavala umnyango, lizakuqala ukuma ngaphandle liqoqode emnyango, lisithi: Nkosi, sivulele; yenake aphendule athi: Kangilazi lapho livela khona.

UJohane 9:31

Siyazi ukuthi uNkulunkulu kazizwa izoni, kodwa uba umuntu engokhonza uNkulunkulu, esenza intando yakhe, uNkulunkulu uyamuzwa lowo.

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.

1 USamuyeli 8:18

Ngalolosuku lizakhala ngenxa yenkosi yenu elizikhethele yona; kodwa iNkosi uNkulunkulu kayiyikuliphendula mhlalokho.