UMikha 3:1 - iBhayibhili Elingcwele 1978

¹ Ngathi: Zwanini, lina zinhloko zakoJakobe, lani zikhulu zakoIsrayeli. Kakusikho okwenu yini ukwazi ukulunga na?

IBhayibhili Elingcwele LesiNdebele

¹ Lapho-ke mina ngathi, “Lalelani lina bakhokheli bakoJakhobe, lina babusi bendlu yako-Israyeli. Ukulunga akumelanga likwazi na,

UMikha 3:1 ပူးပေါင်းရင်းမြစ်များ

UNehemiya 13:17

Ngazisola izikhulu zakoJuda, ngathi kuzo: Buyini lobobubi elibenzayo ngokungcolisa usuku lweSabatha na?

AmaHubo 14:4

Kabalakwazi yini bonke abenza okubi abadla abantu bami njengokuba besidla isinkwa, bengakhuleki eNkosini na?

U-Isaya 1:10

Zwanini ilizwi leNkosi, lina babusi baseSodoma, lilalele imfundiso kaNkulunkulu wethu, lina bantu baseGomora.

U-Isaya 10:2

ukuphambukisa abayanga kukho okufaneleyo, lokwamuka abahluphekayo ebantwini bami ilungelo labo, bephanga abafelwakazi lezintandane!

UHezekhiyeli 22:6

Zonke izikhulu zakoIsrayeli ezikuwe zisebenzisa amandla azo ukuchitha igazi.

UHezekhiyeli 34:2

Ndoda, tshumayela ngabelusi bakoIsrayeli, utshumayele uthi kibo: INkosi uNkulunkulu ithi: Maye kini, belusi bakoIsrayeli elizondlayo lina! Abelusi kabafanele ukwelusa izimvu na?

UHezekhiyeli 34:3

Liyadla amahwahwa, lizigqokise ngoboya, lihlabe ezinonileyo, kodwa lingazelusi izimvu.

UHezekhiyeli 9:9

Yathi kimi: Ububi bakoIsrayeli lobakoJuda bukhulu kakhulu, ilizwe ligcwele igazi, lomuzi ugcwele ukungalungi, ngoba bathi: INkosi ilitshiyile ilizwe leli, kayiboni.

UHosiya 5:1

Zwanini lokhu, lina bapristi, lilalele, lina Israyeli, libeke indlebe, lani ndlu yenkosi. Ngoba isigwebo simayelana lani, ngoba belingumjibila eMizipa, lembule elendlalwe eTabori.

uAmosi 4:1

Zwanini lelilizwi, lina mankomokazi aseBashani, elisentabeni yaseSamariya, elicindezela abayanga, linyathezela phansi abaswelayo, elithi kubomkenu: Lethani sinathe.

uAmosi 6:1

Maye kubo abachelesileyo eZiyone labalondolozekileyo entabeni yaseSamariya, amadoda adumileyo esizwe sokuqala abaya kuwo abakoIsrayeli!

UMikha 2:13

Umkhokheli wabo uzabavulela indlela, bonke bazafohla, bafike esangweni, baphume ngalo. Inkosi yabo izahamba phambi kwabo, bekhokhelwa yiyo.

1 AbaseKhorinte 6:5

Ngitsho lokhu ukuba libe lenhloni. Kunjalo yini ukuthi kakukho loyedwa phakathi kwenu ohlakaniphileyo ongaquma amacala abazalwane?

UDutheronomi 16:18

Lizakukhetha abahluleli lezinduna emizini yonke yezizwe zenu, iNkosi uNkulunkulu wenu elinika yona, ukuba bahlulele abantu ngokwahlulela okulungileyo.