UMatewu 8:2 - iBhayibhili Elingcwele 1978

² Khangela, umuntu olobulephero weza, waguqa phambi kwakhe, wathi: Nkosi, aluba uthanda ungangihlambulula.

IBhayibhili Elingcwele LesiNdebele

² Indoda eyayilobulephero yeza yaguqa phambi kwakhe yathi, “Nkosi nxa uthanda ungangenza ngihlambuluke.”

UMatewu 8:2 ပူးပေါင်းရင်းမြစ်များ

2 USamuyeli 3:39

Lami lamuhla ngibuthakathaka lanxa ngigcotshwe ngaba yinkosi; lababantu, amadodana kaZeruya, bayangahlula. INkosi uNkulunkulu kayiphindisele owenza okubi ngobubi bakhe.

2 AmaKhosi 15:5

INkosi yayehlisela inkosi uAzariya ubulephero eyabugula yaze yafa. Yahlala endlini yayo yodwa. UJothamu indodana yayo wayegcina isigodlo senkosi, ephethe labantu belizwe.

2 AmaKhosi 5:1

UNamani induna yempi yaseSiriya wayengumuntu omkhulu enkosini yaseSiriya, elodumo, ngoba ngaye iNkosi uNkulunkulu yayinikile iSiriya ukunqoba. Kodwa wayelobulephero.

2 AmaKhosi 5:27

Kodwa ubulephero bukaNamani buzanamathela kuwe lasenzalweni yakho kuze kube nininini. UGehazi waphuma eselobulephero esemhlophe njengongqoqwane.

AmaNani 12:10

Kwathi lapho iyezi lisuka phezu kwethente, uMiriyamu wayeselobulephero, emhlophe njengongqoqwane. UAroni wamkhangela, wabona ukuthi ulobulephero.

UMatewu 10:8

Silisani abagulayo, livuse abafileyo, lihlambulule abalobulephero, likhuphe omoya ababi. Lamukelisiwe ngesihle, phanini ngesihle.

UMatewu 13:58

Kenzanga lapho imisebenzi eminengi yamandla ngenxa yokungakholwa kwabo.

UMatewu 14:33

Abasemkolweni bamkhonza, bathi: Lembala wena uyiNdodana kaNkulunkulu.

UMatewu 15:25

Kodwa owesifazana wasondela, waguqa phambi kwakhe, wathi: Nkosi, ngisize.

UMatewu 18:26

Ngakho leyonceku yawa phansi, yayincenga, yathi: Ake ungibekezelele, ngizakukuhlawula konke.

UMatewu 2:11

Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.

UMatewu 20:20

Kweza kuye unina wamadodana kaZebediya kanye lamadodana akhe; waguqa phambi kwakhe, wacela ulutho kuye.

UMatewu 26:6

Kwathi uJesu eseBethani endlini kaSimoni owayelobulephero,

UMatewu 28:17

sebembonile bamkhonza, kodwa abanye bathandabuza.

UMatewu 28:9

Khangela, uJesu wabahlangabeza, wathi: Okuhle! Basondela babamba inyawo zakhe, bamkhonza.

UMatewu 4:9

wathi kuye: Lezizinto zonke ngizakukunika zona, uba uziwisela phansi, ungikhonze.

UMatewu 8:1

Kwathi esehlile entabeni, amlandela amaxuku amakhulu.

UMatewu 8:25

Basondela, bamvusa besithi: Nkosi, sisilise, siyabhubha!

UMatewu 9:18

Kwathi esakhuluma lezizinto kubo, kwafika umphathi, waguqa phambi kwakhe, wathi: Indodakazi yami isand’ukufa; kodwa akuze, ubeke isandla sakho phezu kwayo, izakusila.

ULukha 4:27

Kwakukhona futhi koIsrayeli abalobulephero abanengi ngesikhathi sikaElisha umprofethi; kodwa kakuhlanjululwanga lamunye wabo, kuphela uNamani umSiriya.

UJohane 9:38

Wasesithi: Nkosi, ngiyakholwa. Wamkhonza.

Imisebenzi 10:14

Kodwa uPetro wathi: Atshi, Nkosi, ngoba kangizake ngidle into embi lengcolileyo.

Imisebenzi 10:25

Kwathi ukuba uPetro angene, uKorneliya wamhlangabeza, wawela phansi ngasenyaweni zakhe, wamkhonza.

1 AbaseKhorinte 14:25

okufihliweyo kwenhliziyo yakhe kuyadalulwa; njalo uzakuwa ngobuso phansi akhonze uNkulunkulu, aqinise ukuthi uNkulunkulu uphakathi kwenu.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.