UMatewu 7:6 - iBhayibhili Elingcwele 1978

⁶ Linganiki izinja okungcwele, lingaphoseli impahla zenu eziligugu phambi kwengulube, funa zizinyathele ngenyawo zazo, ziphenduke ziliklebhule.

IBhayibhili Elingcwele LesiNdebele

⁶ Linganiki izinja okungcwele, lingaphoseli imiceciso ezingulubeni, ngoba lingakwenza lokhu zizayinyathela ngezinyawo ziphinde ziphenduke ziyidabudabule.”

UMatewu 7:6 ပူးပေါင်းရင်းမြစ်များ

Izaga 11:22

Njengesongo legolide empumulweni yengulube, unjalo owesifazana obukekayo ongelangqondo.

Izaga 23:9

Ungakhulumi koyisithutha, ngoba uzadelela amazwi akho ahlakaniphileyo.

Izaga 26:11

Isithutha esiphinda ubuthutha baso sinjengenja ebuyela emahlanzweni ayo.

Izaga 26:4

Ungaphenduli isithutha ngokobuthutha baso, funa lawe ufane laso;

UMatewu 15:26

UJesu waphendula wathi: Kakukuhle ukuthatha ukudla kwabantwana, kuphoselwe ezinjeni.

UMatewu 24:10

Abanengi bazakukhubeka, banikelane, bazondane.

UMatewu 7:5

Mzenzisi, qala ukhuphe ugodo olukwelakho ilihlo, kung’khonake uzakubonisisa ukukhupha ucezwana oluselihlweni lomfowenu.

2 AbaseKhorinte 11:26

Ngangisekuhambeni kanengi; ngangisengozini zemifula, lasengozini zabaphangi, lasengozini kwabakithi, lasengozini kwabezizwe, lasengozini emizini, lasengozini enkangala, lasengozini olwandle, lasengozini kubazalwane bamanga.

AbaseFiliphi 3:2

Xwayani izinja, lixwaye abenza okubi, lixwaye abazisikayo.

AmaHebheru 10:29

Pho, lithi ufanele ukutshaywa okungakanani lowo onyathela phansi iNdodana kaNkulunkulu, edelela igazi lesivumelwano enziwe waba ngcwele ngalo, ehlambaza uMoya womusa, na?

AmaHebheru 6:6

kodwa emva kwalokho babuya bahlamuka, kakulakwenzeka ukuba babuye bavuswe baphenduke, lokhu besazibethelela iNdodana kaNkulunkulu beyithela ngehlazo obala.

2 UPhethro 2:22

Kubehlele ngokwesaga esiqinisileyo esithi: Inja ibuyela emahlanzweni ayo; lokuthi: Ingulube igeziswa ibuye iphindele ekuzibhixeni ngodaka.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.