UMatewu 6:9 - iBhayibhili Elingcwele 1978

⁹ Ngakhoke kalibokhuleka ngokunje lithi: Baba wethu osezulwini, kalidunyiswe ibizo lakho,

IBhayibhili Elingcwele LesiNdebele

⁹ “Kumele likhuleke kanje: ‘Baba wethu osezulwini, kalidunyiswe ibizo lakho,

UMatewu 6:9 ပူးပေါင်းရင်းမြစ်များ

2 USamuyeli 7:26

Kalibe likhulu ibizo lakho kuze kube nininini kuze kuthiwe: INkosi yamabandla inguNkulunkulu koIsrayeli; lendlu yenceku yakho uDavida imiswe phambi kwakho.

1 AmaKhosi 8:43

akuzwe wena usezulwini, endaweni yakho yokuhlala, umenzele konke akucelayo, ukuze abantu bonke emhlabeni bazi ibizo lakho, bakwesabe, njengabantu bakho bakoIsrayeli, ukuba bazi ukuthi lindlu engiyakhileyo iyindawo lapho ibizo lakho lidunyiselwa khona.

1 ImiLando 17:24

Ibizo lakho kaliqiniswe libe likhulu kuze kube nininini, ukuba abantu bathi: INkosi yamabandla inguNkulunkulu kaIsrayeli, nguNkulunkulu koIsrayeli. Lendlu yenceku yakho uDavida izamiswa phambi kwakho.

2 ImiLando 20:6

wathi: Nkosi, Nkulunkulu wabokhokho, wena kawusuye uNkulunkulu osezulwini na? Kawubusi yonke imibuso yezizwe na? Esandleni sakho kukhona amandla wonke, ukuba kungabi khona ongamelana lawe.

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

AmaHubo 111:9

Yabakhulula abantu bayo; yamisa isivumelwano sayo kuze kube nininini; lingcwele liyesabeka ibizo layo.

AmaHubo 115:3

Owethu uNkulunkulu usezulwini, wenza konke akuthandayo.

AmaHubo 72:18

Kayibongwe iNkosi uNkulunkulu kaIsrayeli, onguye yedwa owenza izinto ezimangalisayo.

U-Isaya 37:20

Ngakhoke, Nkosi Nkulunkulu wethu, akusikhulule esandleni sakhe, ukuze yonke imibuso yomhlaba yazi ukuba wena wedwa uyiNkosi.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

U-Isaya 6:3

Elinye lamemeza kwelinye lisithi: Ingcwele, ingcwele, ingcwele iNkosi yamabandla; umhlaba wonke ugcwele inkazimulo yayo.

U-Isaya 63:16

Ngoba wena ungubaba, lanxa uAbrahama engasazi loIsrayeli engasivumi; wena Nkosi ungubaba, ibizo lakho linguMhlengi wethu kusukela endulo.

U-Isaya 64:8

Kanti, Nkosi, wena ungubaba; thina silibumba, wena ungumbumbi wethu; sonke singumsebenzi wezandla zakho.

U-Isaya 66:1

INkosi ithi: Izulu liyisihlalo sami sobukhosi, lomhlaba uyisigcabha senyawo zami; ngenjani leyondlu ebelizakungakhela yona, ngenjani lendawo yami yokuphumula na?

UHezekhiyeli 36:23

Ngizabonakalisa ubungcwele bebizo lami elikhulu elingcoliswe phakathi kwezizwe, elilingcolisileyo lina phakathi kwazo; lezizwe zizakwazi ukuba ngiyiNkosi, kutsho iNkosi uNkulunkulu, nxa sengibonakalisa ubungcwele bebizo lami ngani phambi kwazo.

UHezekhiyeli 38:23

Ngalokho ngizaveza ubukhulu bami lobungcwele bami, ngizibonakalise ezizweni ezinengi; ng’khonake bazakwazi ukuba ngiyiNkosi.

ULevi 10:3

UMose wasesithi kuAroni: Yikho lokhu iNkosi eyakutsho isithi: Ngizakuzibonakalisa ukuthi ngingcwele ngalabo abaseduze lami, futhi ngizakuba lodumo phambi kwabantu bonke. UAroni wathula.

UHabhakhukhi 2:14

Ngoba umhlaba uzagcwala ukwazi ngobukhulu beNkosi njengamanzi agcwalisa ulwandle.

UZakhariya 14:9

INkosi izakuba yinkosi yomhlaba wonke; ngalolosuku iNkosi izakubanye lebizo layo libe linye.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UMatewu 10:29

Kazithengiswa yini intaka ezimbili ngendibilitshi na? Kodwa kakuyikuwa phansi lanye yazo ngaphandle kukaYihlo.

UMatewu 23:9

Lingabizi muntu emhlabeni ngokuthi nguyihlo; ngoba munye onguYihlo, osezulwini.

UMatewu 26:29

Ngithi kini: Kusukela khathesi kangiyikunatha lesisithelo sevini kuze kufike lolosuku lapho ngizakusinatha lani sisitsha embusweni kaBaba.

UMatewu 26:42

Wabuya wasuka ngokwesibili, wakhuleka wathi: Baba, uba inkezo le ingedlule kimi ngingayinathanga, kayenziwe intando yakho.

UMatewu 5:16

Kunjaloke kakukhanye ukukhanya kwenu phambi kwabantu ukuba babone imisebenzi yenu emihle, badumise uYihlo osezulwini.

UMatewu 5:48

Ngakho lina wobani ngabapheleleyo, njengokuba uYihlo osezulwini ephelele.

UMatewu 6:14

Ngoba uba lithethelela abantu izono zabo, loYihlo osezulwini uzakulithethelela lani.

UMatewu 6:6

Kodwa wena, nxa ukhuleka, ngena endlini yakho, uvale umnyango wakho, ukhuleke kuYihlo osensitha; loYihlo obonayo ensitha uzakukuvuza.

UMatewu 7:11

Ngakho uba lina elingababi likwazi ukubapha abantwana benu izipho ezinhle, uYihlo osezulwini kayikubapha kakhulu izinto ezinhle abacela kuye na?

ULukha 15:18

Ngizakusuka, ngiye kubaba, ngithi kuye: Baba, ngonile koPhezulu laphambi kwakho;

ULukha 15:21

Indodana yasisithi kuye: Baba, ngonile koPhezulu laphambi kwakho; kangisafanele ukuthiwa ngiyindodana yakho.

ULukha 2:14

Udumo kalube kuNkulunkulu kweliphezulu, lokuthula emhlabeni ebantwini abathokozelwa nguye.

UJohane 20:17

UJesu wathi kuye: Ungangibambi, ngoba angikenyukeli kuBaba. Kodwa yana kubafowethu, uthi kibo ngiyenyukela kuBaba lakuYihlo, kuNkulunkulu wami loNkulunkulu wenu.

AbaseRoma 1:7

Ngithi kubo bonke abathandiweyo nguNkulunkulu abaseRoma ababizelwe ukuba ngabangcwele: Kakube kini umusa lokuthula okuvela kuNkulunkulu uBaba, laseNkosini uJesu Kristu.

AbaseRoma 8:15

Kalamukeliswanga umoya wobugqili ukuba libuye lesabe, kodwa lamukeliswa umoya wobuntwana, esimemeza ngawo sisithi: Aba, Baba!

AbaseGalathiya 1:1

Mina Pawuli, umphostoli ongamiswanga ngabantu loba ngezandla zomuntu, kodwa nguJesu Kristu languNkulunkulu uYise owamvusa kwabafileyo,

AbaseGalathiya 4:6

Lokhu lingamadodana uNkulunkulu wathumela uMoya weNdodana yakhe enhliziyweni zenu, ememeza esithi: Aba, Baba!

1 uTimothi 6:16

yena yedwa olokungafi, ohlala ekukhanyeni okungelakusondelelwa, ongazange abonwe muntu, ongebonwe. Kakube kuye udumo lamandla angapheliyo. Ameni.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.

Isambulo 4:11

Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.

Isambulo 5:12

Lifanele iWundlu elahlatshwayo ukwamukela amandla lenotho, lokuhlakanipha, lokunqoba, lodumo, lobukhosi, lokudunyiswa.