UMatewu 6:7 - iBhayibhili Elingcwele 1978

⁷ Ekukhulekeni kwenu lingatemelezi njengabezizwe, ngoba bathi bazakuzwiwa ngokukhuluma kwabo okunengi.

IBhayibhili Elingcwele LesiNdebele

⁷ Njalo nxa likhuleka lingenzi ubugabazi, linqongoloza njengabahedeni ngoba bacabanga ukuthi bazezwakala ngenxa yamazwi abo amanengi.

UMatewu 6:7 ပူးပေါင်းရင်းမြစ်များ

UmTshumayeli 5:7

Lanxa uphupha amaphupho amanengi, wenze okulize, ulawule, kumele umesabe uNkulunkulu.

UMatewu 18:17

Alubana esala ukubezwa bona, tshela ibandla; uba esala ukuzwa lalo ibandla, kabe njengowezizwe lomthelisi kuwe.

UMatewu 26:39

Waqhubeka ingcosana, wawa phansi ngobuso bakhe, wakhuleka wathi: Baba, uba kungenzeka, kakudlule kimi linkezo; kodwa kungabi njengokuba ngithanda mina, kodwa njengokuba uthanda wena.

UMatewu 26:42

Wabuya wasuka ngokwesibili, wakhuleka wathi: Baba, uba inkezo le ingedlule kimi ngingayinathanga, kayenziwe intando yakho.

UMatewu 26:44

Wabuya wabatshiya, wahamba, wakhuleka ngokwesithathu esitsho wona lawomazwi.

UMatewu 6:32

Ngoba konke lokhu abezizwe bayakufuna; kodwa uYihlo osezulwini uyazi ukuthi liyakuswela konke lokhu.

Imisebenzi 19:34

Bathi ukuba bezwe ukuthi ungumJuda, bamemeza bonke ngalizwi linye isibanga esingaba ziawa ezimbili besithi: Mkhulu uDiyana wabaseEfesu!