UMatewu 5:11 - iBhayibhili Elingcwele 1978

¹¹ Lina libusisiwe, nxa abantu belithuka ngenxa yami, belizingela, bekhuluma okubi konke ngani, beqamba amanga.

IBhayibhili Elingcwele LesiNdebele

¹¹ Libusisiwe lina nxa abantu belithuka, belihlukumeza njalo beligcona ngobubi bonke ngenxa yami.

UMatewu 5:11 ပူးပေါင်းရင်းမြစ်များ

AmaHubo 35:11

Ofakazi abangalunganga bangivukele, bangibuza izinto engingazaziyo.

AmaHubo 44:22

Yebo, ngenxa yakho siyabulawa usuku lonke, kuthiwa siyizimvu zokuhlatshwa.

U-Isaya 25:8

Izakuqeda ukufa kokuphela. INkosi uNkulunkulu izakwesula inyembezi emehlweni wonke, isuse lehlazo labantu bayo emhlabeni wonke; ngoba iNkosi ikhulumile.

U-Isaya 51:7

Ngilalelani, lina elazi ukulunga, abantu abalomlayo wami enhliziyweni zabo; lingesabi ukusola kwabantu, lingapheli amandla ngenxa yokuthuka kwabo.

U-Isaya 66:5

Zwanini ilizwi leNkosi, lina elithuthumela ngelizwi layo elokuthi: Abafowenu abalizondayo, abalixotsha ngenxa yebizo lami, bathi: Kayibe lodumo iNkosi, ukuze sibone intokozo yenu; kodwake yibo abazakuyangeka.

UJeremiya 37:14

UJeremiya wathi: Kungamanga; kangibalekeli kumaKaladiya. Kodwa uIrija kazamlalela; wambamba uJeremiya, wamletha ezikhulwini.

UMatewu 10:18

Lizakuholelwa phambi kwababusi lamakhosi ngenxa yami, kube yibufakazi kibo lakwabezizwe.

UMatewu 10:22

Lizakuzondwa yibo bonke ngenxa yebizo lami; kodwa ophikelelayo kuze kube sekupheleni nguye ozakusiliswa.

UMatewu 10:25

Kwanele ukuba umfundi abe njengomfundisi wakhe, lenceku ibe njengenkosi yayo. Aluba bebizile umninindlu ngokuthi nguBelezebule, kakhulu labendlu yakhe njalo.

UMatewu 10:39

Ofumana ukusila kwakhe uzakulahlekelwa yikho: olahlekelwa yikusila kwakhe ngenxa yami uzakukufumana.

UMatewu 19:29

Lalowo otshiye izindlu, labafowabo, lodadewabo, loyise, lonina, labantwana ingabe amasimu ngenxa yebizo lami, uzakwamukeliswa ngekhulu, adle ilifa lokuphila okungapheliyo.

UMatewu 24:9

Laphoke bazakulinikela ekuhluphekeni, balibulale; lizakuzondwa yizizwe zonke ngenxa yebizo lami.

UMatewu 27:39

Abadlulayo bamhlambaza benikina amakhanda abo,

UMakho 13:13

Lizakuzondwa yibo bonke ngenxa yebizo lami, kodwa ophikelelayo kuze kube sekupheleni nguye ozakusiliswa.

UMakho 13:9

Kodwa qaphelani lina. Bazakulinikela emiphakathini; lizakutshaywa emasinagogeni; lizakumiswa phambi kwababusi ngenxa yami, kube yibufakazi kubo.

UMakho 4:17

kodwa kabalampande phakathi kwabo, bahlala isikhatshana, kuthi sekufika inkathazo lenhlupheko ngenxa yelizwi, bakhubeke masinyane.

UMakho 8:35

Ngoba ilowo lalowo othanda ukusilisa ukuphila kwakhe kuzamlahlekela; kodwa olahlekelwa yikuphila kwakhe ngami langevangeli uzakukusilisa.

ULukha 21:12

Kodwa ngaphambi kwakho konke lokhu bazakulibamba, balizingele, balinikele emasinagogeni lasezintolongweni, balise phambi kwamakhosi lalabusi ngenxa yebizo lami.

ULukha 21:17

Lizakuzondwa yibo bonke ngenxa yebizo lami.

ULukha 6:22

Libusisiwe, nxa abantu belizonda lanxa belixotshela ngaphandle, belithuka, belidela ibizo lenu ngokungathi libi ngenxa yeNdodana yomuntu.

ULukha 9:24

Ngoba ilowo lalowo othanda ukusilisa ukuphila kwakhe kuzakumlahlekela; kodwa olahlekelwa yikuphila kwakhe ngenxa yami uzakukusilisa.

UJohane 15:21

Kodwa bazakukwenza konke lokhu ngenxa yebizo lami, ngoba bengamazi ongithumileyo.

UJohane 9:28

Basebemthuka besithi: Nguwe ongumfundi wakhe, kodwa thina singabafundi bakaMose.

Imisebenzi 9:16

ngoba mina ngizakumtshengisa konke amele ukuhlutshwa ngakho ngenxa yebizo lami.

AbaseRoma 8:36

Kulotshiwe ukuthi: Ngenxa yakho siyabulawa usuku lonke, kuthiwa siyizimvu zokuhlatshwa.

1 AbaseKhorinte 4:10

Thina siyizithutha ngenxa kaKristu, kodwa lina lihlakaniphile kuKristu; thina sibuthathaka, kodwa lina lilamandla; lina liyahlonitshwa, kodwa thina siyadelelwa.

2 AbaseKhorinte 4:11

Ngoba nxa sisaphila sinikelwa njalonjalo ekufeni ngenxa kaJesu, ukuze ukuphila kukaJesu kubonakaliswe emizimbeni yethu efayo.

AbaseFiliphi 1:29

Ngoba ngenxa kaKristu lina labelwa, kangitsho ukukholwa kuphela, kodwa lokuhlupheka ngenxa yakhe,

1 UPhethro 2:23

owathi ethukwa kazaphindisela ngokuthuka, owathi ehlutshwa kazasongela, kodwa wathembela kulowo othonisisa ngokulunga.

1 UPhethro 4:14

Uba lithukwa ngenxa yebizo likaKristu, libusisiwe, ngoba uMoya wenkazimulo onguMoya kaNkulunkulu uhlezi phezu kwenu.

Isambulo 2:3

Ulokubekezela; waqinisela ngenxa yebizo lami, kawudinwanga.