UMatewu 3:17 - iBhayibhili Elingcwele 1978

¹⁷ Khangela, kwezwakala ilizwi livela ezulwini, lisithi: Lo uyiNdodana yami ethandekayo, ngithokozile ngayo.

IBhayibhili Elingcwele LesiNdebele

¹⁷ Ilizwi elavela ezulwini lathi, “Lo yiNdodana yami engiyithandayo; ngiyathokoza kakhulu ngayo.”

UMatewu 3:17 ပူးပေါင်းရင်းမြစ်များ

AmaHubo 2:7

Ngizakulandisa isimemezelo seNkosi eyathi kimi: Wena uyindodana yami, lamuhla ngikuzele.

U-Isaya 42:1

INkosi ithi: Khangela inceku yami engiyisekelayo, okhethiweyo wami, othokoza ngaye umphefumulo wami; ngibekile umoya wami phezu kwakhe, ukuze alethele izizwe ukulunga.

U-Isaya 42:21

Kwayithokozisa iNkosi ngenxa yokulunga kwayo ukuba ikhulise umlayo wayo, iwenze ube lodumo.

ULevi 15:15

umpristi anikele ngakho, okunye kube ngumnikelo wesono lokunye kube ngumnikelo wokutshiswa; ngalokho umpristi uzakumenzela indlela yokubuyisana phambi kweNkosi ngenxa yengulamakhwa obelayo.

UMatewu 12:18

Khangela, inceku yami engiyikhethileyo, othandekayo wami, othokoza ngaye umphefumulo wami. Ngizakubeka uMoya wami phezu kwakhe, uzakutshumayela ukulunga kubo abezizwe.

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

UMakho 1:11

Kwezwakala ilizwi livela ezulwini, lathi: Wena uyiNdodana yami ethandekayo; ngithokozile ngawe.

UMakho 9:7

Kwasekufika iyezi, labasibekela; kwezwakala ilizwi eyezini, lathi: Lo uyiNdodana yami ethandekayo; zwanini yona.

ULukha 3:22

uMoya oNgcwele elesimo sejuba wehlela phezu kwakhe; kwezwakala ilizwi livela ezulwini lisithi: Wena uyiNdodana yami ethandekayo; ngithokozile ngawe.

ULukha 9:35

Kwezwakala ilizwi eyezini lisithi: Le yiNdodana yami ekhethiweyo; zwanini yona.

UJohane 5:20

Ngoba uYise uyayithanda iNdodana, ayitshengise konke akwenzayo yena; uzakuyitshengisa imisebenzi emikhulu kulale ukuze limangale.

UJohane 5:37

Laye uBaba ongithumileyo ungifakazele. Kalizanga lilizwe ilizwi lakhe, lesimo sakhe kalizanga lisibone.

Abase-Efesu 1:6

ukuze adunyiswe ngomusa wakhe omangalisayo asiphe wona ngesihle ngaye oThandiweyo.

AbaseKholose 1:13

Wasikhulula emandleni omnyama, wasisa embusweni weNdodana yakhe ethandekayo,

2 UPhethro 1:17

Ngoba lapho esamukela udumo lobukhosi okuvela kuNkulunkulu uBaba, lalapho kwezwakala ilizwi livela enkazimulweni yobukhosi lisithi: Lo uyiNdodana yami ethandekayo engithokoze ngayo;

1 UJohane 5:9

Uba sisamukela ubufakazi babantu, ubufakazi bukaNkulunkulu bukhulu kulalobo; ngoba ubufakazi bukaNkulunkulu buyilobu bokuthi ubufakazile ngeNdodana yakhe.

Isambulo 14:2

Ngasengisizwa ilizwi livela ezulwini, linjengelizwi lamanzi amanengi lanjengomdumo omkhulu; lelizwi engalizwayo lalinjengelabatshaya amachacho abo.