UMatewu 27:66 - iBhayibhili Elingcwele 1978

⁶⁶ Bahambake, bathatha abalindi, baliqinisa iliba, babeka uphawu elitsheni.

IBhayibhili Elingcwele LesiNdebele

⁶⁶ Basebehamba ukuyalinda lokuqinisa ithuna ngokubeka uphawu phezu kwelitshe njalo bamisa abalindi.

UMatewu 27:66 ပူးပေါင်းရင်းမြစ်များ

UDanyeli 6:17

Kwasekulethwa ilitshe, labekwa emlonyeni womgodi, lenkosi yalinameka ngophawu lwayo langophawu lwezikhulu zayo ukuba isiqumo mayelana loDaniyeli singaguqulwa.

UMatewu 27:60

wasibeka elibeni lakhe elitsha elaligujiwe edwaleni, wagiqela ilitshe elikhulu emnyango weliba, wahamba.

UMatewu 27:65

UPilatu wathi kibo: Thathani abalindi, lilinde njengokubona kwenu.

UMatewu 28:11

Kwathi besahamba, abanye kubalindi baya emzini, babikela abapristi abakhulu konke okwenzekileyo.

UMatewu 28:2

Khangela, kwaba khona ukuzamazama komhlaba okukhulu, ngoba isithunywa seNkosi sehla sivela ezulwini, sagiqa ilitshe, sahlala phezu kwalo.

UMakho 16:4

Bathi ukukhangela babona ilitshe seligiqiwe lanxa lalilikhulu.

UJohane 20:1

Kwathi ngosuku lokuqala lweviki uMariya Magadalena wafika elibeni ekuseni kusesemnyama, wabona ilitshe lisusiwe elibeni.

2 uTimothi 2:19

Kodwa isisekelo esiqinileyo sikaNkulunkulu simi silaloluphawu lokuthi: INkosi iyabazi abangabayo; lokuthi: Ilowo lalowo ophatha ibizo leNkosi kahlukane lokungalungi.

UJoshuwa 10:18

UJoshuwa wasesithi: Giqelani amatshe amakhulu emlonyeni wobhalu, libeke amadoda kulo awalinde;

Isambulo 20:3

sawuphosela emgodini ongelamkhawulo, sawuvalela, sabeka uphawu phezu kwawo ukuze ungabe usaduhisa izizwe, ize iphele iminyaka eyinkulungwane. Emva kwalokho kumele ukuba ukhululwe okwesikhatshana.