UMatewu 26:36 - iBhayibhili Elingcwele 1978

³⁶ UJesu wasefika labo endaweni ethiwa yiGetsemane; wathi kubafundi: Hlalani lapha, ngisayakhuleka laphaya.

IBhayibhili Elingcwele LesiNdebele

³⁶ UJesu wasehamba labafundi bakhe endaweni eyayithiwa yiGetsemane, wasesithi kubo, “Hlalani lapha, mina ngisaya laphayana ukuyakhuleka.”

UMatewu 26:36 ပူးပေါင်းရင်းမြစ်များ

UMatewu 26:39

Waqhubeka ingcosana, wawa phansi ngobuso bakhe, wakhuleka wathi: Baba, uba kungenzeka, kakudlule kimi linkezo; kodwa kungabi njengokuba ngithanda mina, kodwa njengokuba uthanda wena.

UMatewu 26:42

Wabuya wasuka ngokwesibili, wakhuleka wathi: Baba, uba inkezo le ingedlule kimi ngingayinathanga, kayenziwe intando yakho.

UMatewu 6:6

Kodwa wena, nxa ukhuleka, ngena endlini yakho, uvale umnyango wakho, ukhuleke kuYihlo osensitha; loYihlo obonayo ensitha uzakukuvuza.

AmaHebheru 5:7

Ensukwini zokuphila kwakhe uJesu wakhuleka, enxusa ngokukhala okukhulu langezinyembezi kuye olamandla okumkhulula ekufeni; wezwiwa ngenxa yokwesaba kwakhe uNkulunkulu.