UMatewu 24:6 - iBhayibhili Elingcwele 1978

⁶ Lizakuzwa ngezimpi lamahungahunga ezimpi. Khangelani lingethuki, ngoba lokhu kufanele kwenzeke, kodwa ukuphela kuzabe kungakafiki.

IBhayibhili Elingcwele LesiNdebele

⁶ Lizakuzwa ngezimpi lamahungahunga azo, kodwa lingaze lethuka. Izinto ezinjalo zizakwenzeka, kodwa ukucina kulokhu kuseza.

UMatewu 24:6 ပူးပေါင်းရင်းမြစ်များ

AmaHubo 112:7

Kesabi imibiko emibi, inhliziyo yakhe iqinile, ithemba eNkosini.

U-Isaya 12:2

UNkulunkulu ungumkhululi wami, ngizakuthemba ngingesabi; ngoba iNkosi uNkulunkulu ingamandla ami lengoma yami, isingumkhululi wami.

U-Isaya 7:4

uthi kuye: Qina, ume isibindi, ungesabi, inhliziyo yakho ingathuthunyeliswa yilezizikhuni ezimbili ezithunqayo nje, ungathuthunyeliswa lulaka oluvuthayo lukaRezini leSiriya lendodana kaRemaliya.

UJeremiya 47:6

Hawu, mkhonto weNkosi! koze kube nini ungakhawuli na? Buyela emgodleni wakho, uhlale uphumule.

UHezekhiyeli 21:28

Wena, ndoda, tshumayela uthi: INkosi uNkulunkulu ithi ngamaAmoni ahleka uIsrayeli: Umkhonto, umkhonto usuhwatshelwe ukubulala, walolongwa ukuba ukhazimule, uphazime njengombane.

UMatewu 2:3

Ngakho uHerodi inkosi esekuzwile lokho wakhathazeka leJerusalema lonke kanye laye.

UMatewu 24:14

Lelivangeli lombuso lizakutshunyayelwa emhlabeni wonke kube yibufakazi ezizweni zonke, andubana kufike ukuphela.

UMatewu 26:54

Pho, ingagcwaliseka kanjani imibhalo ethi kumele ukuba kube njalo na?

ULukha 21:19

Ngokubambelela kwenu lizakuzuza ukuphila kwenu.

ULukha 21:9

Nxa lisizwa ngezimpi langeziphithiphithi, lingethuki, ngoba lokhu kumele ukuba kwenzeke kuqala, kodwa ukuphela kakuyikufika masinyane.

ULukha 22:37

Ngoba ngithi kini: Kumele kugcwaliseke lumbhalo ngami wokuthi: Wabalwa kanye lezoni. Ngoba okuqondene lami kulokugcwaliseka kwakho.

UJohane 14:1

Inhliziyo zenu kazingakhathazeki. Kholwani kuNkulunkulu, likholwe lakimi.

UJohane 14:27

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

2 AbaseThesalonika 2:2

ukuba lingaphangisi likhathazeke engqondweni zenu, lethuswe, loba ngumoya, loba yilizwi, loba yincwadi ngokungathi ivela kithi, kuthiwa usuku lweNkosi selufikile.

Isambulo 6:4

Kwasekuphuma elinye ibhiza elibomvu, oligadileyo wavunyelwa ukuqeda ukuthula emhlabeni, ukuze abantu babulalane, wanikwa umhedla omkhulu.