UMatewu 24:5 - iBhayibhili Elingcwele 1978

⁵ Ngoba abanengi bazakuza ngebizo lami besithi: Mina nginguKristu; baduhise abanengi.

IBhayibhili Elingcwele LesiNdebele

⁵ Ngoba abanengi bazakuza ngebizo lami besithi, ‘NginguKhristu,’ bakhohlise abanengi.

UMatewu 24:5 ပူးပေါင်းရင်းမြစ်များ

UJeremiya 14:14

INkosi yathi kimi: Abaprofethi batshumayela amanga ngebizo lami. Kangibathumanga, kangibalayanga, kangikhulumanga kibo; batshumayela kini imibono yamanga, lokuvumisa okuyize, lenkohliso yengqondo zabo.

UJeremiya 23:21

Kangibathumanga mina abaprofethi, kanti bagijima; kangikhulumanga kibo, kodwa batshumayela.

UJeremiya 23:25

Ngizwile ukuba batheni abaprofethi abatshumayela amanga ebizweni lami besithi: Ngiphuphile, ngiphuphile!

UJeremiya 37:9

INkosi ithi: Lingazikhohlisi ngokuthi: AmaKaladiya kawasayikubuya kithi. Ngoba azakubuya isibili.

UMatewu 24:11

Kuzakuvela abaprofethi bamanga abanengi, baduhise abanengi.

UMatewu 24:24

Ngoba kuzakuvela okristu bamanga labaprofethi bamanga, benze izibonakaliso ezinkulu lezimangaliso, ukuze kuthi nxa kungenzeka baduhise labakhethiweyo.

UJohane 5:43

Ngizile ebizweni likaBaba, kodwa kalingamukeli; uba omunye esiza ngebizo lakhe, lizakumamukela yena.

UJohane 8:24

Ngakhoke ngithe kini: Lizakufela ezonweni zenu; uba lingakholwa ukuthi nginguye lizakufela ezonweni zenu.

UJohane 8:28

Ngakho uJesu wathi kibo: Nxa seliyiphakamisile iNdodana yomuntu, kung’khona lizakwazi ukuthi nginguye lokuthi kangizenzeli lutho ngokwami, kodwa ngikhuluma njengalokhu uBaba engifundisile.

1 UJohane 2:18

Bantwana, sekuyisikhathi sokucina. Njengalokhu lezwa kuthiwa uMphikukristu uyeza, lakhathesi sebekhona abanengi abaphikukristu; ngalokhu siyazi ukuthi sekuyisikhathi sokucina.

1 UJohane 2:22

Ngubani ongumqambi wamanga uba kungesuye ophikayo ukuthi uJesu unguKristu na? Nguye onguMphikukristu, ngoba ephika uBaba leNdodana.

1 UJohane 4:3

lalowomoya ongamvumiyo ngokunjalo uJesu kasuye okaNkulunkulu. Lowo ungowoMphikukristu eselizwile ngaye ukuthi uyeza, lakhathesi usefikile emhlabeni.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.