UMatewu 21:15 - iBhayibhili Elingcwele 1978

¹⁵ Kodwa abapristi lababhali sebebonile izimangaliso azenzayo, labantwana bememeza ethempelini besithi: Hosana kuyo iNdodana kaDavida! bathukuthela,

IBhayibhili Elingcwele LesiNdebele

¹⁵ Kodwa kwathi abaphristi abakhulu labafundisi bomthetho bebona izimanga ayezenza labantwana bememeza egumeni lethempeli besithi, “Hosana kuyo iNdodana kaDavida,” banengeka.

UMatewu 21:15 ပူးပေါင်းရင်းမြစ်များ

U-Isaya 26:11

Nkosi, isandla sakho siphakanyisiwe, kodwa izitha zakho kazisiboni. Kazibone ukutshisekela kwakho abantu bakho, zibe lenhloni. Umlilo olungiselwe zona kawuziqede.

UMatewu 20:24

Kwathi sebekuzwile lokhu abalitshumi, bazithukuthelela izelamani ezimbili.

UMatewu 21:23

Kwathi esengenile ethempelini, abapristi abakhulu labadala besizwe basondela kuye esafundisa, bathi: Izinto lezi uzenza ngawaphi amandla? Ngubani okunike lamandla na?

UMatewu 21:9

Amaxuku ayehamba ngaphambili lababelandela bamemeza bathi: Hosana kuyo iNdodana kaDavida! Ubusisiwe ozayo ebizweni leNkosi. Hosana kweliphezulu!

UMatewu 22:42

wathi: Lithini ngoKristu na? Uyindodana kabani na? Bathi kuye: NgekaDavida.

UMatewu 26:3

Kwasekubuthana abapristi abakhulu labadala besizwe egumeni lompristi omkhulu othiwa nguKayafasi.

UMatewu 26:59

Abapristi abakhulu lomphakathi wonke bafuna ubufakazi bamanga ngoJesu ukuze bambulale;

UMatewu 27:1

Kwathi sekusile, bonke abapristi abakhulu labadala babantu bacebisana ngoJesu ukuba bambulale;

UMatewu 27:20

Kodwa abapristi abakhulu labadala bavumelana lamaxuku ukuba bacele uBarabasi, ambulale uJesu.

UMatewu 9:27

Wathi uJesu esedlula lapho, iziphofu ezimbili zamlandela, zimemeza zisithi: Sihawukele, Ndodana kaDavida!

UMakho 11:18

Abapristi abakhulu lababhali bekuzwa lokhu bafuna indlela yokumbulala, ngoba babemesaba, ngoba lonke ixuku lamangala ngokufundisa kwakhe.

ULukha 20:1

Kwathi ngolunye usuku efundisa ethempelini, etshumayela ivangeli, kwafika abapristi abakhulu lababhali labadala.

ULukha 22:2

Abapristi abakhulu lababhali bafuna ukuba bangambulala kanjani uJesu, besaba abantu.

ULukha 22:66

Kwathi sekusile, kwabuthana umhlangano wabadala babantu labapristi abakhulu lababhali, bamusa emphakathini wabo,

UJohane 11:57

Abapristi abakhulu labaFarisi babekhuphe umlayo wokuthi uba ekhona owaziyo lapho akhona, ababikele ukuze bambambe.

UJohane 12:19

Ngakho abaFarisi bakhulumisana besithi: Liyabona ukuthi kalisizi lutho; khangelani, umhlaba wonke uyamlandela.

UJohane 4:1

AbaFarisi bezwa ukuba uJesu uyazuza abafundi, ubhaphathiza abanengi kuloJohane,

UJohane 7:42

Kawutsho yini umbhalo ukuthi uKristu uzavela enzalweni kaDavida laseBetlehema, emzini lapho uDavida wayekhona na?