UMatewu 2:11 - iBhayibhili Elingcwele 1978

¹¹ Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.

IBhayibhili Elingcwele LesiNdebele

¹¹ Zangena endlini zambona umntwana lonina uMariya, zakhothama zamkhonza. Zasezivula impahla zazo eziligugu zamkhunga ngezipho zegolide lempepha lemure.

UMatewu 2:11 ပူးပေါင်းရင်းမြစ်များ

UGenesisi 43:11

Uyise uIsrayeli wathi kubo: Uba kunjalo, yenzani lokhu; fakani emasakeni enu izithelo ezikhethiweyo zelizwe, limphathele lowomuntu isipho, amakha ayingcosana lenyosi eziyingcosana, inhlaka lemure, lezinye izithelo ezimnandi;

1 AmaKhosi 10:10

Inkosikazi yaseSheba yasinika inkosi uSolomoni igolide elingamathalenta alikhulu lamatshumi amabili, lamakha amanengi kakhulu, lamatshe amahle. Kakuzanga kulethwe amakha amanengi njengala inkosikazi yaseSheba eyawanika inkosi uSolomoni.

1 AmaKhosi 10:2

Yafika eJerusalema lodwendwe olukhulu, lamakamela ethwele amakha legolide elinengi lamatshe amahle; isifikile kuSolomoni yamtshela konke okwakusemcabangweni wayo.

AmaHubo 2:12

liyikhothamele, funa ithukuthele, libhubhe endleleni; ngoba ulaka lwayo luzakuvutha masinyane. Babusisiwe bonke abaphephela kuyo.

AmaHubo 45:8

Izambatho zakho zonke ziqholiwe ngemure langenhlaba langekasiya; ezigodlweni eziceciswe ngempondo zendlovu ukukhala kwamachacho kuyakuthokozisa.

AmaHubo 72:10

Amakhosi aseTarshishi lawasezihlengeni azaletha izipho, amakhosi aseSheba laseSeba alethe izipho.

AmaHubo 72:15

Kayiphile njalo, kayinikwe igolide laseSheba, ikhulekelwe njalonjalo, ibusiswe insuku zonke.

AmaHubo 95:6

Wozani, sikhonze sikhothame, siguqe phambi kweNkosi, uMenzi wethu.

U-Eksodasi 30:23

Thatha amakha amahle, imure elingamagcobo elingamashekeli angamakhulu amahlanu, lekinamoni elilephunga elimnandi elingamashekeli angamakhulu amabili lamatshumi amahlanu, lekalamu elinuka kuhle elingamashekeli angamakhulu amabili lamatshumi amahlanu,

U-Eksodasi 30:34

INkosi yathi kuMose: Thatha amakha amnandi, ngitsho isitakete leonika legalibanu, amakha kanye lenhlaka enhle, kulingane konke;

Ingoma 3:6

Kuyini lokhuya okuvela enkangala kunjengensika yentuthu, evela ekutshisweni kwemure lempepha, lokunjengamakha wonke abathengi na?

U-Isaya 60:6

Indwendwe zamakamela zizakuza kuwe, lamakamela aseMidiyani laseEfa, lawo wonke awaseSheba azakuza; azaletha igolide lenhlaka, amemezele indumiso yeNkosi.

ULevi 6:15

Kakucutshwe impuphu ecolekileyo yomnikelo wempuphu, lamafutha awo kanye lenhlaka yonke ephezu komnikelo wempuphu, kutshiswe ealtareni kube yisikhumbuzo lephunga elimnandi eNkosini.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

AmaNani 7:14

inkezo yegolide, ubunzima bayo bungamashekeli alitshumi, igcwele impepha;

AmaNani 7:86

Kwanikelwa lezinkezo zegolide ezilitshumi lambili, zigcwele impepha; ubunzima baleyo laleyonkezo babungamashekeli alitshumi ngokweshekeli lendlu engcwele; ubunzima begolide lonke lezinkezo babungamashekeli alikhulu lamatshumi amabili.

UMatewu 1:18

Ukuzalwa kukaJesu Kristu kwaba nje. Unina uMariya esekhombe uJosefa, bengakathathani wafunyanwa eselesisu ngoMoya oNgcwele.

UMatewu 12:46

Kwathi esakhuluma emaxukwini, unina labafowabo bema ngaphandle befuna ukukhuluma laye.

UMatewu 14:33

Abasemkolweni bamkhonza, bathi: Lembala wena uyiNdodana kaNkulunkulu.

UMatewu 2:10

Zathi ukuyibona inkanyezi, zathokoza ngokuthokoza okukhulu kakhulu.

UMatewu 2:2

zisithi: Ungaphi ozelwe eyinkosi yabaJuda na? Ngoba sibonile inkanyezi yakhe kwelasempumalanga, size ukumkhonza.

ULukha 2:16

Bahamba ngokuphangisa, bafumana uMariya loJosefa lomntwana elele emtshokotshweni.

ULukha 2:38

Layeke efika ngalesosikhathi wadumisa uNkulunkulu, wakhuluma ngaye kubo bonke ababelindele inkululeko yeJerusalema.

UJohane 19:39

Kweza loNikodima laye, owake wafika kuye kuqala ebusuku, ephethe imure lixutshaniswe lenhlaba, ubunengi bayo bungangemifuma eminengi.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

Isambulo 5:8

Kuthe seliyithethe incwadi, izidalwa ezine eziphilayo labadala abangamatshumi amabili lane baziwisela phansi phambi kweWundlu, kuyilowo lalowo ephethe ichacho lemiganu yegolide igcwele impepha eyimikhuleko yabangcwele.

1 USamuyeli 10:27

Kodwa amadoda amabi athi: Uzasisiza njani lumuntu na? Bamdelela, kabamnikanga sipho; kodwa yena wazithulela.