UMatewu 18:4 - iBhayibhili Elingcwele 1978

⁴ Ngakho lowo ozakuzithoba njengalumntwana, nguye omkhulu embusweni wezulu.

IBhayibhili Elingcwele LesiNdebele

⁴ Ngakho lowo ozithobayo njengomntwana lo nguye omkhulu kulabo bonke embusweni wezulu.

UMatewu 18:4 ပူးပေါင်းရင်းမြစ်များ

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

UMatewu 18:1

Ngalesosikhathi abafundi basondela kuJesu bathi: Ngubani omkhulu embusweni wezulu na?

UMatewu 18:3

wathi: Ngiqinisile ngithi kini: Uba lingaphenduki, libe njengabantwana, kalisoze lingene embusweni wezulu.

UMatewu 18:5

Lowo owamukela abe munye umntwana onje ebizweni lami wamukela mina.

UMakho 10:43

Kodwa kakunjalo phakathi kwenu, kodwa yilowo lalowo othanda ukuba ngomkhulu phakathi kwenu kabe ngumfokazi wenu,

UMakho 9:34

Kodwa bathula, ngoba endleleni babephikisene ngokuthi ngubani omkhulu.

ULukha 14:11

Ngoba ilowo lalowo oziphakamisayo uzakuthotshiswa; lozithobayo uzakuphakanyiswa.

ULukha 9:48

Wathi kubo: Ilowo lalowo owamukela lumntwana ngebizo lami wamukela mina; owamukela mina wamukela ongithumileyo; ngoba omncinyane kini lonke nguye omkhulu.

UJakhobe 4:10

Zehliseni phambi kweNkosi, izakuliphakamisa.

1 UPhethro 5:5

Ngokunjalo lani abatsha, zehliseleni ngaphansi kwabadala bebandla; yambathani lonke ukuthobeka, lithobelane, ngoba uNkulunkulu umelana labazigqajayo, kodwa abazithobileyo uyabapha umusa.