UMatewu 16:28 - iBhayibhili Elingcwele 1978

²⁸ Ngiqinisile ngithi kini: Bakhona abanye kwabemiyo lapha abangayikuzwa ukufa baze bayibone iNdodana yomuntu isiza embusweni wayo.

IBhayibhili Elingcwele LesiNdebele

²⁸ Ngilitshela iqiniso, abanye abemiyo khonapha kabayikukuzwa ukufa bengakayiboni iNdodana yoMuntu isiza embusweni wayo.”

UMatewu 16:28 ပူးပေါင်းရင်းမြစ်များ

UMatewu 10:23

Nxa belizingela komunye umuzi, balekelani komunye; ngoba ngiqinisile ngithi kini: Kaliyikuqeda imizi yonke yakoIsrayeli ingakafiki iNdodana yomuntu.

UMatewu 16:13

Kwathi uJesu esefikile endaweni yaseKesariya Filiphi wababuza abafundi bakhe, wathi: Abantu bathi iNdodana yomuntu ingubani na?

UMatewu 24:3

Kwathi esehlezi entabeni ethiwa iOliveti abafundi beza kuye bebodwa, bathi: Sitshele ukuthi lokhu kuzakuba njalo nini? Isibonakaliso sokuza kwakho lesokuphela kwesikhathi sizakuba yini?

UMatewu 24:34

Ngiqinisile ngithi kini: Lesisizukulwana kasiyikudlula zingakenzeki izinto zonke lezi.

UMatewu 24:42

Ngakho lindani, ngoba kalazi ukuthi iNkosi yenu izakufika ngaluphi usuku.

UMatewu 26:64

UJesu wathi kuye: Kutsho wena. Kodwa ngithi kini: Kusukela khathesi lizakubona iNdodana yomuntu ihlezi ngakwesokunene saMandla, isiza ngamayezi aphezulu.

UMatewu 8:20

UJesu wathi kuye: Amakhanka alemilindi, lenyoni zaphezulu zilezidleke, kodwa iNdodana yomuntu kayilandawo lapho ingaqamelisa khona ikhanda layo.

UMakho 13:26

Kung’khonake bazakubona iNdodana yomuntu isiza emayezini, ilamandla amakhulu lenkazimulo,

UMakho 8:38

Ngoba ilowo lalowo olenhloni ngami langamazwi ami kulesisizukulwana esifebayo lesonakeleyo, leNdodana yomuntu izakuba lenhloni ngaye, nxa isiza enkazimulweni kaYise kanye lezithunywa ezingcwele.

UMakho 9:1

Wasesithi kubo: Ngiqinisile ngithi kini: Bakhona abanye kwabemiyo lapha abangayikuzwa ukufa, baze babone umbuso kaNkulunkulu usufikile ngamandla.

ULukha 18:8

Ngithi kini: Uzakubalwela masinyane. Kodwake nxa iNdodana yomuntu ifika, izakufumana ukukholwa emhlabeni na?

ULukha 2:26

Kwakubonakalisiwe kuye nguMoya oNgcwele ukuthi kayikubona ukufa engakamboni uKristu weNkosi.

ULukha 9:27

Kodwa ngilitshela iqiniso ukuthi bakhona abanye kwabemiyo lapha abangayikuzwa ukufa, baze babone umbuso kaNkulunkulu.

UJohane 21:22

UJesu wathi kuye: Uba ngithanda ukuba ahlale ngize ngifike, kulani lokho lawe na? Ngilandela wena.

UJohane 8:51

Ngiqinisile, ngiqinisile ngithi kini: Uba umuntu egcina ilizwi lami, kayikukubona ukufa lanini.

UJohane 8:52

AbaJuda bathi kuye: Khathesi sesisazi ukuthi ulomoya omubi; uAbrahama wafa, labaprofethi; kodwa wena uthi: Uba umuntu egcina ilizwi lami, kayikukuzwa ukufa lanini.

Imisebenzi 1:11

athi: Madoda aseGalili, limeleni lijolozele ezulwini? UJesu lo, osuswe kini wenyuselwa ezulwini, uzakubuya njengalokho limbone esiya ezulwini.

1 AbaseKhorinte 15:23

Kodwa yilowo lalowo ngesigaba sakhe, uKristu kuqala, besekusiba ngabakaKristu ekufikeni kwakhe,

1 AbaseThesalonika 1:10

lilindele iNdodana yakhe ivela ezulwini, ayivusa kwabafileyo, uJesu osophula olakeni oluzayo.

AmaHebheru 2:9

Kodwa siyambona uJesu owenziwa waba mncinyane okwesikhatshana kulezithunywa ethwesiwe umqhele wobukhosi, lowodumo ngenxa yenhlupheko yokufa, ukuze ngomusa kaNkulunkulu ezwe ukufa ngenxa yabo bonke.

UJakhobe 5:7

Bazalwane, bekezelani ize ifike iNkosi. Khangelani, umlimi uyalindela isithelo somhlabathi esiligugu, asibekezelele, size sizuze izulu elokuqala lelokucina.

2 UPhethro 1:16

Ngoba sasingalilandiseli izinganekwane zobuqili, lapho silazisa amandla lokufika kweNkosi yethu uJesu Kristu, kodwa sasingabazibonelayo ubukhulu bayo.

1 UJohane 2:28

Ngakhoke, bantwana, hlalani kuye ukuze kuthi lapho ebonakala, sibe lesibindi, singabi lanhloni simcatshele ekufikeni kwakhe.