UMatewu 10:14 - iBhayibhili Elingcwele 1978

¹⁴ Lowo ongalamukeliyo, ongalaleli amazwi enu, kalibokuthi nxa liphuma kuleyondlu ingabe kulowomuzi, lithintithe uthuli enyaweni zenu.

IBhayibhili Elingcwele LesiNdebele

¹⁴ Nxa engekho olamukelayo kumbe olalela amazwi enu, sukani kulowomuzi kumbe idolobho lithintithe uthuli ezinyaweni zenu.

UMatewu 10:14 ပူးပေါင်းရင်းမြစ်များ

UNehemiya 5:13

Ngasengithintitha ingubo yami ngisithi: Ngokunjalo uNkulunkulu kathintithe bonke abantu ezindlini zabo lasemisebenzini yabo abangasenziyo lesisithembiso. Bathintithwe ngokunjalo, bachithwe. Lonke ibandla lathi: Kakube njalo. Bayidumisa iNkosi; benza njengokuthembisa kwabo.

UMatewu 10:13

Aluba indlu ifanele, ukuthula kwenu kakube phezu kwayo; kodwa uba ingafanele, ukuthula kwenu kakubuyele kini.

UMatewu 18:5

Lowo owamukela abe munye umntwana onje ebizweni lami wamukela mina.

UMakho 6:11

Layiphi indawo engayikulamukela lengayikulilalela, nxa liphuma lapho, thintithani uthuli olungaphansi kwenyawo zenu, kube yibufakazi kubo.

UMakho 9:37

Lowo owamukela omunye wabantwana abanje ebizweni lami wamukela mina; lalowo owamukela mina kamukeli mina kodwa wamukela yena ongithumileyo.

ULukha 9:48

Wathi kubo: Ilowo lalowo owamukela lumntwana ngebizo lami wamukela mina; owamukela mina wamukela ongithumileyo; ngoba omncinyane kini lonke nguye omkhulu.

ULukha 9:5

Bonke abangalamukeliyo, nxa lisuka kulowomuzi, thintithani uthuli enyaweni zenu, kube yibufakazi ngabo.

UJohane 13:20

Ngiqinisile, ngiqinisile ngithi kini: Owamukela ongimthumileyo wamukela mina: lowamukela mina wamukela ongithumileyo.

Imisebenzi 13:51

Bona babathintithela uthuli lwenyawo zabo, badlulela eIkoniyuma.

Imisebenzi 18:6

Kwathi bemphikisa, bemhlambaza, wathintitha ingubo zakhe, wathi kubo: Igazi lenu kalibe phezu kwamakhanda enu; mina kangilacala; kusukela lamhla ngizakuya kwabezizwe.

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.