UMalaki 3:13 - iBhayibhili Elingcwele 1978

¹³ Amazwi enu abelukhuni ngami, kutsho iNkosi. Kanti lina lithi: Sikhulume sathini ngawe na?

IBhayibhili Elingcwele LesiNdebele

¹³ Uthi uThixo, “Selikhuluma amazwi abuhlungu ngami. Kodwa liyabuza lithi, ‘Kuyini okubi esikutshiloyo ngawe na?’

UMalaki 3:13 ပူးပေါင်းရင်းမြစ်များ

UJobe 15:13

ukuba umoya wakho umelane loNkulunkulu, lomlomo wakho ukhulume amazwi anje na?

UJobe 40:8

Lembala, uzachitha ukwahlulela kwami, ungilahle, ukuba wena ube ngolungileyo na?

AmaHubo 10:11

Omubi uthi enhliziyweni yakhe: UNkulunkulu ulibele, ufihle ubuso bakhe, kasoze abone.

U-Eksodasi 5:2

Kodwa uFaro wathi: INkosi ingubani ukuba ngilalele ilizwi layo, ngivumele abakoIsrayeli bahambe na? Kangiyazi iNkosi, futhi kangiyikubavumela abakoIsrayeli ukuba bahambe.

U-Isaya 3:8

IJerusalema ikhubekile, loJuda uwile, lokhu ukukhuluma kwabo lokwenza kwabo kuphambene leNkosi, ukudelela ubukhosi bayo.

U-Isaya 37:23

Ngubani omklolodeleyo wamthuka na? Uphakamisele bani ilizwi lakho na? Ukhangele bani ngokuzikhukhumeza na? NgoNgcwele kaIsrayeli.

U-Isaya 46:12

Ngilalelani, lina abalenhliziyo ezilukhuni, lina elikhatshana lokukhululwa;

U-Isaya 5:19

besithi: UNkulunkulu kaphangise ukwenza umsebenzi wakhe ukuze siwubone; icebo loNgcwele kaIsrayeli kalibonakale ukuze silazi.

UJeremiya 44:18

Kodwa lokhu sayekela ukutshisela iNkosikazi yaphezulu impepha lokuyithululela iminikelo yokuthululwa, siswele konke, siqedwe yimpi layindlala.

UJeremiya 8:12

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UHezekhiyeli 18:25

Kanti lithi: Indlela yeNkosi kayiqondanga. Zwaninike, lina Israyeli; indlela yami kayiqondanga na? Kakusizo ezenu indlela ezingaqondanga na?

UHezekhiyeli 35:13

Lakhuluma kubi ngami, landisa amazwi enu ngami, ngikuzwile.

UHosiya 7:16

Baphendukela kuBali, banjengedandili elixegayo, ababusi babo bazabulawa ngomkhonto ngenxa yokuziphakamisa kwabo. Lokhu kuzakuba yinhlekisa ngabo elizweni laseGibithe.

UMalaki 2:14

Liyabuza lithi: Kungani na? Kungoba iNkosi eyayingufakazi wesivumelwano sakho lomfazi wobutsha bakho iyakwazi ukuthi umkhohlisile wena, lanxa ebengumngane wakho lomfazi wakho wesivumelwano.

UMalaki 2:17

Liyidinisile iNkosi ngamazwi enu. Kanti lithi: Siyidinise kanjani na? Liyidinise ngokuthi: Bonke abenza okubi balungile eNkosini, bayayithokozisa; loba lithi: Ungaphi uNkulunkulu wokwahlulela na?

UMalaki 3:12

Zonke izizwe zizakuthi libusisiwe, ngoba lizakuba yilizwe elithokozisayo, kutsho iNkosi yamabandla.

UMalaki 3:14

Lithe lina: Kakusizi lutho ukukhonza uNkulunkulu. Kusizani ukugcina imilayo yakhe lokuba sihambe phambi kweNkosi yamabandla njengabakhalayo na?

UMalaki 3:8

Umuntu angamphanga uNkulunkulu na? Lina liyangiphanga. Kodwa lina lithi: Sikuphanga kanjani na? Ngithi: Ngokwetshumi kwenu langeminikelo yenu.

AbaseRoma 9:20

Kodwa, wena muntu, ungubani wena ophikisana loNkulunkulu na? Okubunjiweyo kungatsho yini kowakubumbayo ukuthi: Wangenzelani ngaba njalo na?

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.