UMalaki 3:10 - iBhayibhili Elingcwele 1978

¹⁰ Lethani konke okwetshumi endlini yenotho ukuba kube khona ukudla endlini yami. Lingihlole ngalokho, kutsho iNkosi yamabandla, libone ukuba kangiyikulivulela iminyango yaphezulu, ngilehlisele izibusiso ezinengi na?

IBhayibhili Elingcwele LesiNdebele

¹⁰ Lethani konke okwetshumi esiphaleni ukuze kube lokudla endlini yami.” Uthi uThixo uSomandla, “Ngilingani kulokhu libone ingabe kangikuwavula amasango ezulu ngithulule izibusiso elizaze liswele ukuthi lizithele ngaphi.

UMalaki 3:10 ပူးပေါင်းရင်းမြစ်များ

UGenesisi 28:22

lelitshe leli engilimise ukuba libe yinsika yokukhonzela lizakuba yindlu kaNkulunkulu; kukho konke ozangipha khona ngizakukunika okwetshumi.

UGenesisi 7:11

Ngomnyaka wamakhulu ayisithupha wokuhamba kukaNowa, ngosuku lwetshumi lesikhombisa lwenyanga yesibili, imithombo engaphansi komhlaba yabhoboka, leminyango yasezulwini yavuleka.

2 AmaKhosi 7:19

induna yamphendula umuntu kaNkulunkulu yathi: Uba iNkosi uNkulunkulu uqobo ingavula amawindi phezulu, kungenzeka lokhu na? Kodwa yena wathi: Uzakukubona ngawakho amehlo, kodwa kawuyikudla lutho lwakho.

2 AmaKhosi 7:2

Induna inkosi eyayibambelele engalweni yayo yathi emuntwini kaNkulunkulu: Uba iNkosi uNkulunkulu uqobo ingavula amawindi phezulu, kungenzeka lokhu na? Kodwa yena wathi: Uzakukubona ngawakho amehlo, kodwa kawuyikudla lutho lwakho.

1 ImiLando 26:20

AmaLevi, izihlobo zabo, ayephethe inotho yethempeli lenotho yezinto ezingcwele.

UNehemiya 12:44

Ngalolosuku kwamiswa abantu bokuphatha izindlu zokulondoloza iziphiwo lezithelo zokuqala lokwetshumi, lokuqoqa izabelo zabapristi lezamaLevi ezimiswe ngumlayo ngamasimu emizi. Bonke abakoJuda babethokoza kakhulu ngokukhonza kwabapristi lamaLevi,

UNehemiya 12:47

Ensukwini zikaZerubabeli loNehemiya bonke abakoIsrayeli banika isabelo sensuku zonke esabahlabeleli lesabalindi bamasango; bahlukanisela amaLevi lokho okungokwawo, lamaLevi ahlukanisela abakoAroni lokho okungokwabo.

UNehemiya 13:5

walungisela uTobiya indlu enkulu lapho ababekade befake khona umnikelo wempuphu lempepha lezitsha zethempeli lokwetshumi kwamabele lokwewayini lokwamafutha, okwakumiswe ngomlayo ukuba kunikwe amaLevi labahlabeleli labalindi bamasango leziphiwo zabapristi.

AmaHubo 37:3

Themba eNkosini, wenze okuhle, uhlale elizweni ngokuthembeka.

AmaHubo 78:23

Kanti walaya isibhakabhaka phezulu, wavula iminyango yezula,

UmTshumayeli 11:3

Uba amayezi egcwele izulu, ayalinisela emhlabeni; uba isihlahla siwela ngaseningizimu ingabe ngasenyakatho, endaweni lapho siwela khona sizakulala khonapho.

UHezekhiyeli 34:26

Ngizazenza zibe yisibusiso zona lezindawo ezihanqe intaba yami, ngithumele izulu ngesikhathi salo, izulu elihle.

UHezekhiyeli 44:30

Okokuqala kwezithelo zenu zonke zokuqala, lokweminikelo yenu yonke yenhlobo zonke kuzakuba ngokwabaprist; linike futhi abapristi okokuqala kwempuphu yenu egayekileyo, ukuze isibusiso sehlele endlini yenu.

UHosiya 2:21

Ngalolosuku, kutsho iNkosi, ngizanika iphezulu impendulo, lona lizaphendula ngokunisa izulu emhlabeni,

UJoweli 2:19

INkosi yabaphendula abantu bayo yathi: Sengizalinika amabele lewayini lamafutha, lisuthe; kangisayikuphinda ngilenze inhlamba phakathi kwezizwe.

UJoweli 2:24

Iziza zizagcwala amabele, lezikhamelo ziphuphume ngewayini lamafutha.

ULevi 26:10

Lizakudla okwesivuno esidala, likhuphe esidala ukuba lifake esitsha.

ULevi 26:3

Uba lihamba ngezimiso zami, ligcine imilayo yami, liyenze,

ULevi 27:30

Okwetshumi konke kwelizwe, loba okwenhlanyelo yelizwe loba okwezithelo zezihlahla, kungokweNkosi; kungcwele eNkosini.

UHagayi 2:19

Inhlanyelo isesesilulwini na? Ivini lomkhiwa lepomegranati leoliva, lokhu kungatheli na? Kusukela lamuhla ngizakulibusisa.

AmaNani 18:21

Ngikunike amaLevi konke okwetshumi koIsrayeli kube ngokwawo, ngomsebenzi wawo awenzayo, ngenkonzo yawo ethenteni lokuhlangana.

UMatewu 6:33

Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

UDutheronomi 12:6

lilethe iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yokugcwalisa izithembiso zenu, leminikelo yesihle, lamazibulo ezinkomo zenu lawezimvu zenu;

UDutheronomi 14:22

Iminyaka ngeminyaka lizakukhupha okwetshumi kuzo zonke izithelo zenhlanyelo yenu ezivela emasimini.

UDutheronomi 14:29

UmLevi, lokhu engelasabelo kini, kanye lowemzini, lentandane, lomfelwakazi abaphakathi kwemizi yenu bazakuza, badle, basuthe, ukuba iNkosi uNkulunkulu wenu ilibusise kuwo wonke umsebenzi wezandla zenu.

UDutheronomi 28:12

INkosi izakulivulela indlu yayo yenotho ephezulu, ilinise izulu elizweni lenu ngesikhathi salo, ibusise wonke umsebenzi wezandla zenu; lizakweboleka izizwe ezinengi, kodwa lingeboleki lutho kuzo.