UMalaki 2:6 - iBhayibhili Elingcwele 1978

⁶ Ukufundisa kwakhe kwakuliqiniso, ububi bungafunyaniswa ekufundiseni kwakhe. Wahamba lami ngokuthula langobuqotho, waphendula abanengi ebubini.

IBhayibhili Elingcwele LesiNdebele

⁶ Imfundiso eqotho yayisemlonyeni wakhe njalo kakufunyanwanga lutho oluyinkohliso ezindebeni zakhe. Wahamba lami ngokuthula langobuqotho, waphendula abanengi ababesesonweni.

UMalaki 2:6 ပူးပေါင်းရင်းမြစ်များ

UGenesisi 17:1

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

UGenesisi 6:9

Le yindaba kaNowa. UNowa wayeyindoda elungileyo engasoleki esizukulwaneni sakhe; uNowa wayehamba loNkulunkulu.

AmaHubo 119:142

Ukulunga kwakho kuyikulunga okumiyo njalonjalo, lomlayo wakho uliqiniso.

AmaHubo 119:151

Kodwa wena, Nkosi useduze, lemithetho yakho yonke iliqiniso.

AmaHubo 37:30

Umlomo wolungileyo ukhuluma ukuhlakanipha, lolimi lwakhe lukhuluma ukulunga.

AmaHubo 37:37

Mqhaphelise olungileyo, umbone oqotho, ngoba umuntu wokuthula ulenzalo.

Izaga 5:2

ukuba ube lengqondo ehlakaniphileyo, lomlomo wakho ukhulume ngokwazi.

UJeremiya 23:22

Kodwa uba babekhona emhlanganweni wami, ngabe batshumayela amazwi ami ebantwini bami, babanqande ezindleleni zabo ezimbi lasezenzweni ezimbi.

UDanyeli 12:3

Abahlakaniphileyo bazakhanya njengokukhanya kwesibhakabhaka, lalabo abaphendulela abanengi ekulungeni bakhanye njengezinkanyezi kuze kube nininini.

UHosiya 4:6

Abantu bami bayabhubha ngokuswela ukwazi; ngoba ukwalile ukwazi, lami ngizakukwala, ungabi ngumpristi wami. Lokhu usuwukhohliwe umlayo kaNkulunkulu wakho, lami ngizakhohlwa abantwana bakho.

UMatewu 22:16

Bathumela kuye abafundi babo kanye labakaHerodi, bathi: Mfundisi, siyazi ukuthi wena uqotho, ufundisa indlela kaNkulunkulu ngeqiniso; kawukhathali ngomuntu, ngoba kawunanzi isimo somuntu.

UMakho 12:14

Beza bathi kuye: Mfundisi, siyazi ukuthi wena uqotho, kawukhathali ngomuntu, ngoba kawunanzi isimo somuntu, kodwa ufundisa indlela kaNkulunkulu ngeqiniso. Kuvunyelwe yini ukuthela kuKesari ingabe atshi? Sithele ingabe singatheli na?

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

ULukha 20:21

Bambuzake besithi: Mfundisi, siyazi ukuthi wena ukhuluma ufundise ngokuqondileyo, kawukhathaleli muntu, kodwa ufundisa indlela kaNkulunkulu ngeqiniso.

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

UDutheronomi 33:10

Bazamfundisa uJakobe izimiso zakho, loIsrayeli umlayo wakho; bazabeka impepha phambi kwakho, lomnikelo wonke wokutshiswa ealtareni lakho.

UDutheronomi 33:8

Mayelana loLevi wathi: Mnike uLevi inkatho amaThumimi longcwele wakho inkatho amaUrimi, owamlinga eMasa, waphikisana laye ngasemanzini aseMeriba;

UDutheronomi 33:9

lowo owathi ngoyise lonina: Kangibananzanga; wabandlulula abafowabo, wafulathela abantwana bakhe. Balalela ilizwi lakho, bagcina isivumelwano sakho.

Isambulo 14:5

Lasemilonyeni yabo kakufunyaniswanga amanga, ngoba kabalasici.

1 USamuyeli 2:12

Amadodana kaEli ayengabantu ababi; ayengayazi iNkosi.