UMalaki 2:16 - iBhayibhili Elingcwele 1978

¹⁶ Ngiyakuzonda ukwahlukana, kutsho iNkosi uNkulunkulu kaIsrayeli. Ngiyazonda futhi ukuba umuntu abe lesihluku esinje kumkakhe, kutsho iNkosi yamabandla. Ngakhoke ziqapheliseni ukuba lingakhohlisi.

IBhayibhili Elingcwele LesiNdebele

¹⁶ “Ngiyakuzonda ukuchitha umtshado,” kutsho uThixo, uNkulunkulu ka-Israyeli, uqhubeka esithi, “njalo ngiyayizonda indoda evala ngolaka kumkayo umkayo njengalokhu izivala ngesivunulo,” kutsho uThixo uSomandla. Ngakho ziqaphele wena emphefumulweni wakho, ungaze wakhohlisa.

UMalaki 2:16 ပူးပေါင်းရင်းမြစ်များ

AmaHubo 73:6

Ngakhoke bagqiza ukuzigqaja njengamangqongqo, bambathe isihluku njengengubo.

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

Izaga 5:20

Ubanjelwani, mntanami, luthando lwesifebe, ugone owesifazana omubi na?

U-Isaya 28:20

Ngoba isaga sithi: Umbheda mfitshane kakhulu ukuba umuntu alale kiwo, lengubo yincinyane kakhulu ukuba umuntu azigqoke ngayo.

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

U-Isaya 59:6

Ubulembu babo kabuyikuba yizingubo, labantu kabayikwambatha lokho abakwenzileyo. Imisebenzi yabo ibanga ububi, lezandla zabo zenza isihluku.

ULukha 16:18

Ilowo lalowo olahla umkakhe, athathe omunye, uyafeba; lothatha umfazi olahlwe yindoda uyafeba.

1 AbaseKhorinte 7:10

Kwabendileyo ngiyabalaya, kungeyisimi kodwa kuyiNkosi, ukuthi umfazi kangahlukani lendoda yakhe;