UMalaki 2:15 - iBhayibhili Elingcwele 1978

¹⁵ UNkulunkulu kenzanga umuntu abe lenyama lomoya wokuphila na? UNkulunkulu ufunani kulokhu na? Ufuna ukuba umuntu azale abantwana abanikwe nguNkulunkulu. Ziqapheliseni ukuba omunye lomunye wenu angamkhohlisi umfazi wobutsha bakhe.

IBhayibhili Elingcwele LesiNdebele

¹⁵ UThixo kabenzanga baba munye na? Enyameni lemphefumulweni bangabakhe. Kungani bemunye? Ngoba wayedinga inzalo ekholwayo kuNkulunkulu. Ngakho ziqaphele emphefumulweni wakho, ungaze wamkhohlisa umfazi wobutsha bakho.

UMalaki 2:15 ပူးပေါင်းရင်းမြစ်များ

UGenesisi 1:27

UNkulunkulu wasemdala umuntu ngomfanekiso wakhe; wamdala ngomfanekiso kaNkulunkulu, owesilisa lowesifazana.

UGenesisi 2:7

INkosi uNkulunkulu yasimbumba umuntu ngomhlabathi, yaphefumulela umoya wokuphila emakhaleni akhe; umuntu waba ngumuntu ophilayo.

UGenesisi 24:44

iphendule ithi kimi: Natha wena, ngizakhelela lamakamela akho; kayibe nguye owesifazana iNkosi emkhethele indodana yenkosi yami.

UGenesisi 27:46

URebeka wasesithi kuIsaka: Sengidiniwe yikuphila ngenxa yamadodakazi kaHethi; uba uJakobe ethatha umfazi kuwo amadodakazi kaHethi anjengala amadodakazi alelilizwe, kungisiza kanjani ukuphila kwami na?

UGenesisi 6:2

amadodana kaNkulunkulu abona amadodakazi abantu ukuthi mahle; athatha abafazi kuwo awathandayo.

U-Ezra 9:4

Bonke abawesabayo amazwi kaNkulunkulu kaIsrayeli babuthana kimi ngenxa yobubi babathunjiweyo ababuyileyo, mina ngihlezi ngithithibele kwaze kwaba yisikhathi somnikelo wakusihlwa.

UNehemiya 13:24

ingxenye yabantwana babo babekhuluma ulimi lwaseAshidodi labanye olwezinye izizwe, kodwa bengalwazi olwabakoJuda.

UJobe 27:3

nxa kusekhona umphefumulo kimi, lomoya kaNkulunkulu usesemakhaleni ami,

U-Eksodasi 20:14

Ungafebi.

Izaga 2:17

otshiye indoda yobutsha bakhe, wakhohlwa isivumelwano sikaNkulunkulu wakhe;

Izaga 4:23

Phezu kwakho konke gcina inhliziyo yakho, ngoba kuvela kiyo ukuphila.

Izaga 6:25

Ungakhanuki ubuhle bakhe enhliziyweni yakho, angakuyengi ngamehlo akhe amahle;

Izaga 7:25

Lingavumeli inhliziyo zenu ziphambukele endleleni zakhe, lingahambi emikhondweni yakhe;

UmTshumayeli 12:7

lothuli lungakabuyeli emhlabathini lapho lwavela khona, lomoya ubuyela kuNkulunkulu owawunikayo.

UJeremiya 2:21

Kukanti mina ngakuhlanyela ulivini elihle, uyinhlanyelo elungileyo kuphela. Phoke, usuphenduke kanjani waba mubi, waba livini elibi na?

UHosiya 1:10

Kanti ubunengi babantu bakoIsrayeli buzakuba ngangetshebetshebe lolwandle elingeke lilinganiswe loba libalwe. Endaweni yokuba kuthiwe kibo: Kalisibo abantu bami; kuzakuthiwa kibo: Lingamadodana kaNkulunkulu ophilayo.

ULevi 20:10

Uba umuntu efeba lomkamakhelwana, bobabili abafebayo kababulawe.

UMalaki 2:14

Liyabuza lithi: Kungani na? Kungoba iNkosi eyayingufakazi wesivumelwano sakho lomfazi wobutsha bakho iyakwazi ukuthi umkhohlisile wena, lanxa ebengumngane wakho lomfazi wakho wesivumelwano.

UMatewu 15:19

Ngoba enhliziyweni kuvela imicabango emibi, lokubulala, lobufebe, lokuphinga, lokweba, lokufakaza amanga, lokunyeya.

UJohane 20:22

Kwathi esetshilo lokhu waphephetha phezu kwabo wathi kibo: Yamukelani uMoya oNgcwele.

Imisebenzi 3:25

Lina lingamadodana abaprofethi lawesivumelwano uNkulunkulu asenza labokhokho benu, esithi kuAbrahama: Ngenzalo yakho zizakubusiswa zonke izizukulwana zomhlaba.

1 AbaseKhorinte 7:14

Ngoba indoda engakholwayo yenziwa ibe ngcwele ngomkayo, lomfazi ongakholwayo wenziwa abe ngcwele ngendoda yakhe. Uba kungenjalo, abantwana benu ngabe kabangcwele; kodwa khathesi bangcwele.

1 AbaseKhorinte 7:2

Kodwa ngenxa yokuphinga kakube yilowo lalowo abe lowakhe umfazi, ilowo lalowomfazi abe leyakhe indoda.

2 AbaseKhorinte 6:18

Ngizakuba nguYihlo wenu, lina libe ngamadodana lamadodakazi ami, kutsho iNkosi uSomandla.

Abase-Efesu 6:4

Lani bobaba, lingabathukuthelisi abantwana benu, kodwa libondle ngokulaya langokufundisa kweNkosi.

UDutheronomi 7:4

Ngoba amadodana akho azakuphanjulwa yizo ekuyilandeleni iNkosi, ukuze akhonze abanye onkulunkulu, INkosi ikuthukuthelele, ikubhubhise masinyane.

UThithu 1:6

uba kukhona ongasolekiyo, indoda elomfazi munye, elabantwana abakholwayo abangasolwa ngokuganga loba ngokungalaleli.

URuthe 4:12

lendlu yakho ibe njengendlu kaPerezi uTamari amzalele uJuda, ngabantwana iNkosi ezakukunika bona ngalo owesifazana.

1 USamuyeli 2:20

UEli wayebabusisa uElkana lomkakhe, athi: INkosi ikunike abantwana ngalowesifazana endaweni yalo omeboleke iNkosi. Basebebuyelake ekhaya.