UMalaki 2:11 - iBhayibhili Elingcwele 1978

¹¹ UJuda ukhohlisile, kwenziwe amanyala koIsrayeli laseJerusalema; ngoba uJuda uyonile indawo engcwele ethandwa yiNkosi ngokuthatha indodakazi ekhonza unkulunkulu wezizweni.

IBhayibhili Elingcwele LesiNdebele

¹¹ UJuda ukhohlisile. Kwenziwe amanyala ko-Israyeli laseJerusalema: uJuda useyitshaphazile indlu engcwele uThixo ayithandayo, ngokutshada lendodakazi kankulunkulu wabezizwe.

UMalaki 2:11 ပူးပေါင်းရင်းမြစ်များ

U-Ezra 10:2

UShekaniya indodana kaJehiyeli owamadodana kaElamu wakhuluma loEzra wathi: Sonile kuNkulunkulu wethu, sazithathela abafazi bezizweni ebantwini balelilizwe; kodwa lakhathesi kusekhona ithemba koIsrayeli phezu kwakho konke lokhu.

U-Ezra 9:12

Ngakhoke lingendiseli amadodana abo amadodakazi enu, futhi lingathatheli amadodana enu amadodakazi abo, lingabenzeli okuhle lempumelelo ukuba liqine lidle okuhle kwelizwe, lilitshiyele abantwana benu libe yilizwe labo kokuphela.

AmaHubo 106:28

Bazihlanganisa labakhonza uBali wasePeyori, badla okuhlatshelwe izithombe.

UJeremiya 2:3

UIsrayeli wayengcwele eNkosini, eyizithelo zokuqala zesivuno sayo. Bonke abazidlayo baba lecala, behlelwa ngokubi, kutsho iNkosi.

UJeremiya 3:10

Kodwa kukho konke lokho udadewabo ongathembekanga uJuda kabuyanga kimi ngenhliziyo yonke, kuphela ngokuzenzisa nje, kutsho iNkosi.

UJeremiya 7:10

beselisiza ukuba lime phambi kwami kulindlu lapho ibizo lami lidunyiselwa khona, lithi: Sikhululwe! Kodwa liqhubeke ukwenza zonke lezizinengiso.

UHezekhiyeli 18:13

isebolekisa ukuba izuze inzuzo, ithathe umvuzo, enjalo izakuphila na? Kayiyikuphila; yenzile wonke la amanyala; izakufa impela, legazi layo libe phezu kwayo.

UHezekhiyeli 22:11

Omunye wenza amanyala lomfazi womakhelwana wakhe, lomunye awule lomalokazana wakhe, omunye angcolise udadewabo, indodakazi kayise.

UHosiya 6:7

Kodwa eAdima basaphula isivumelwano, bangikhohlisa khona.

ULevi 20:26

Wobani ngcwele kimi, ngoba mina Nkosi ngingcwele; ngilahlukanisile labezizwe ukuba libe ngabami.

UMalaki 1:1

Nanti ilizwi leNkosi kuIsrayeli ngoMalaki.

UDutheronomi 14:2

Ngoba lingabantu abangcwele eNkosini yenu; ilikhethile ukuba libe ligugu layo phakathi kwezizwe zonke zasemhlabeni.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Abahluleli 3:6

bathatha amadodakazi azo aba ngomkabo, amadodakazi abo bawendisela amadodana abo, bakhonza onkulunkulu bazo.