UMalaki 2:10 - iBhayibhili Elingcwele 1978

¹⁰ Kasilaye ubaba munye thina sonke na? Kasidalwanga nguNkulunkulu munye na? Phoke, kungani sikhohlisana, sisona isivumelwano uNkulunkulu asenze labokhokho na?

IBhayibhili Elingcwele LesiNdebele

¹⁰ KasilaBaba munye thina sonke na? Kasidalwanga nguNkulunkulu munye na? Pho singcoliselani isivumelwano sabokhokho bethu na ngokungathembani thina ngokwethu?

UMalaki 2:10 ပူးပေါင်းရင်းမြစ်များ

UNehemiya 13:29

Nkulunkulu wami, ubakhumbule, ngoba bangcolisile ubupristi lesivumelwano sabapristi lamaLevi.

UJobe 31:15

Lowo owangenza esiswini kabenzanga labo na? Kamunye yini owasibumba esiswini na?

AmaHubo 100:3

Yazini ukuthi iNkosi inguNkulunkulu. Yiyo eyasenzayo, singabayo: singabantu bayo lezimvu zedlelo layo.

U-Eksodasi 19:4

Likubonile lokho engikwenze kumaGibithe, lokuthi ngalithwala ngempiko zokhozi, ngalisondeza kimi.

U-Eksodasi 19:5

Ngakhoke uba lililalela ilizwi lami, ligcine isivumelwano sami, lizakuba ligugu kimi phakathi kwezizwe zonke; ngoba wonke umhlaba ungowami;

U-Eksodasi 24:3

UMose weza wabatshela abantu wonke amazwi eNkosi lezahlulelo zonke; bonke abantu baphendula ngalizwi linye bathi: Sizakuwenza wonke amazwi iNkosi ewakhulume kithi.

U-Eksodasi 24:7

Wathatha incwadi yesivumelwano, wayibala phambi kwabantu. Bathi: Konke iNkosi ekutshiloyo sizakukwenza, silalele.

U-Isaya 43:1

Kodwa khathesi iNkosi itsho ngokunje, yona eyakubumbayo wena Jakobe, eyakwenzayo wena Israyeli, ithi: Ungesabi, ngoba ngikuhlengile, ngakubiza ngebizo lakho, ungowami.

U-Isaya 43:15

Mina ngiyiNkosi, oNgcwele wenu, uMdali kaIsrayeli, inkosi yenu.

U-Isaya 43:7

bonke ababizwa ngebizo lami, bonke engabadalayo ngabenza, engabenzela udumo lwami.

U-Isaya 44:2

INkosi eyakwenzayo, yakubumba esiswini, ezakukusiza, ithi: Ungesabi, Jakobe, nceku yami. wena Jeshuruni engikukhethileyo.

U-Isaya 51:2

Khangelani kuAbrahama ukhokho wenu lakuSara owalizalayo; ngoba uAbrahama eseyedwa ngambiza, ngambusisa, ngamandisa.

U-Isaya 63:16

Ngoba wena ungubaba, lanxa uAbrahama engasazi loIsrayeli engasivumi; wena Nkosi ungubaba, ibizo lakho linguMhlengi wethu kusukela endulo.

U-Isaya 64:7

Kakho okhuleka ebizweni lakho, lozamayo ukubambelela kuwe; ngoba usifihlele ubuso bakho, wasinikela ebubini bethu.

U-Isaya 64:8

Kanti, Nkosi, wena ungubaba; thina silibumba, wena ungumbumbi wethu; sonke singumsebenzi wezandla zakho.

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

UHezekhiyeli 33:24

Ndoda, abakhileyo endaweni ezichithekileyo elizweni lakoIsrayeli, balokhu besithi: UAbrahama wayemunye lapho enikwa ilizwe, kodwa thina sibanengi; ilizwe silinikiwe impela ukuhlala kilo.

UMalaki 1:6

INkosi yamabandla ithi kubapristi: Indodana iyamhlonipha uyise, lenceku iyayihlonipha inkosi yayo. Uba mina nginguyihlo, kungaphi ukuhlonitshwa kwami na? Uba ngiyinkosi, kungaphi ukwesatshwa kwami na? Lina, bapristi, liyalidelela ibizo lami, kodwa lithi: Silidelele kanjani ibizo lakho na?

UMalaki 2:11

UJuda ukhohlisile, kwenziwe amanyala koIsrayeli laseJerusalema; ngoba uJuda uyonile indawo engcwele ethandwa yiNkosi ngokuthatha indodakazi ekhonza unkulunkulu wezizweni.

UMalaki 2:8

Kodwa lina bapristi, liphambukile endleleni, lakhubekisa abanengi ngokufundisa kwenu; lasona isivumelwano sikaLevi, kutsho iNkosi yamabandla.

UMatewu 10:21

Umuntu uzakunikela umfowabo ekufeni, loyise umntanakhe; abantwana bazakuvukela abazali bababulale.

UMatewu 22:16

Bathumela kuye abafundi babo kanye labakaHerodi, bathi: Mfundisi, siyazi ukuthi wena uqotho, ufundisa indlela kaNkulunkulu ngeqiniso; kawukhathali ngomuntu, ngoba kawunanzi isimo somuntu.

UMatewu 3:9

Lingacabangi ukuba lingatsho phakathi kwenu ukuthi: Silobaba uAbrahama. Ngoba ngithi kini: UNkulunkulu ulamandla okumenzela uAbrahama abantwana kulamatshe.

ULukha 1:73

Yiso isifungo eyasifunga kubaba uAbrahama,

ULukha 3:8

Thelani izithelo ezifanele ukuphenduka, lingaqali ukuthi phakathi kwenu: Silobaba uAbrahama. Ngoba ngithi kini: UNkulunkulu ulamandla okuvezela uAbrahama abantwana kulamatshe.

UJohane 8:39

Bamphendula bathi: Ubaba nguAbrahama. UJesu wathi kubo: Uba belingabantwana bakaAbrahama, belizakwenza imisebenzi kaAbrahama.

UJohane 8:41

Lina lenza imisebenzi kayihlo. Bathi kuye: Kasizalwanga ngobufebe thina; silobaba munye, uNkulunkulu.

UJohane 8:53

Wena umkhulu yini kulobaba uAbrahama osewafa labaprofethi asebafa na? Uzenza bani wena na?

UJohane 8:56

Uyihlo uAbrahama wajabulela ukubona usuku lwami; walubona, wathokoza.

Imisebenzi 17:24

UNkulunkulu owenza umhlaba lakho konke okukuwo, yena oyiNkosi yezulu lomhlaba, kahlali emathempelini enziwe ngabantu;

Imisebenzi 17:25

futhi kakhonzwa ngezandla zabantu njengokungathi uswele ulutho, ngoba yena uqobo lwakhe uyabapha bonke abantu ukusila lokuphefumula lakho konke;

Imisebenzi 17:26

wazenza izizwe zonke ngazinye ukuba zihlale ebusweni bonke bomhlaba, wazimisela izikhathi eziqunyiweyo lemikhawulo yokuhlala kwazo,

Imisebenzi 7:2

UStefane wathi: Bobaba labazalwane, lalelani. UNkulunkulu wenkazimulo wabonakala kubaba uAbrahama eseMesopotamiya, engakakhi eHarani,

Imisebenzi 7:26

Ngosuku olulandelayo wafica ababili besilwa, wazama ukubalamula, wathi: Madoda, lingabazalwane; liphathanelani kubi na?

AbaseRoma 4:1

Phoke, sizakuthini ngoAbrahama ukhokho wethu ngokwenyama na?

AbaseRoma 9:10

Kakusikho lokhu kuphela, kodwa kwaba njalo lakuRebeka esekhulelwe abantwana ngandodanye, ukhokho uIsaka;

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

Abase-Efesu 4:25

Ngakhoke lahlani amanga, likhulume iqiniso ilowo lalowo lomakhelwane wakhe, ngoba siyizitho zomzimba munye.

Abase-Efesu 4:6

munye uNkulunkulu, uYise wabo bonke, ophezu kwabo bonke, okubo bonke, ophakathi kwabo bonke.

1 AbaseThesalonika 4:6

kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.

AmaHebheru 12:9

Futhike sasilabo obaba basemhlabeni abasilayayo, sabahlonipha; pho, kasiyikuzehlisela ngaphansi kukaYise wemimoya yethu kakhulu kulalokho, siphile, na?

UJoshuwa 24:3

Ngasengithatha ukhokho wenu uAbrahama ngaphetsheya komfula iYufrathi, ngamhola kulo lonke ilizwe laseKanani, ngayandisa inzalo yakhe yaba nengi. Ngamnika uIsaka,