UMalaki 1:14 - iBhayibhili Elingcwele 1978

¹⁴ Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.

IBhayibhili Elingcwele LesiNdebele

¹⁴ “Uqalekisiwe umkhohlisi olenqama enhle emhlambini wakhe, athembise ukunikela ngayo, kodwa abesenikela ngesifuyo esilesici kuThixo. Ngoba ngiyinkosi enkulu,” kutsho uThixo uSomandla, “njalo ibizo lami kufanele lesatshwe phakathi kwezizwe.”

UMalaki 1:14 ပူးပေါင်းရင်းမြစ်များ

UGenesisi 27:12

Mhlawumbe ubaba uzakungiphulula, ngibe ngokhohlisayo kuye, ngizilethele ukuqalekiswa endaweni yokubusiswa.

2 USamuyeli 24:24

Kodwa inkosi yathi kuAruwana: Atshi bo, ngizakukuthenga kuwe ngenani elithile; kangiyikunikela iminikelo yokutshiswa eNkosini uNkulunkulu wami engangibizanga lutho. UDavida wasesithenga isiza lenkabi ngamashekeli esiliva angamatshumi amahlanu.

AmaHubo 102:16

Ngoba iNkosi izakulakha iZiyone, ibonakale ngobukhulu bayo;

AmaHubo 47:2

Ngoba iNkosi ePhezukonke iyesabeka, iyinkosi enkulu phezu komhlaba wonke.

AmaHubo 47:3

Yabehlisela abantu ngaphansi kwethu, lezizwe yazibeka ngaphansi kwenyawo zethu.

AmaHubo 47:8

UNkulunkulu uyabusa izizwe; uNkulunkulu uhlezi esihlalweni sakhe esingcwele sobukhosi.

AmaHubo 48:2

Yinhle ngokuphakama intaba yaseZiyone; iyikuthokoza kuwo wonke umhlaba; umi ngasenyakatho umuzi weNkosi enkulu.

AmaHubo 68:35

UNkulunkulu uyesabeka endaweni yakhe engcwele; UNkulunkulu kaIsrayeli, nguye onika abantu bakhe amandla. Kabongwe uNkulunkulu.

AmaHubo 76:12

yena othobayo ukuzigqaja kwezikhulu, owesabekayo emakhosini omhlaba.

AmaHubo 95:3

Ngoba iNkosi inguNkulunkulu omkhulu, iyiNkosi enkulu phezu kwabonkulunkulu bonke.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UJeremiya 46:18

Ngizifunga mina uqobo, kutsho iNkosi, mina engiyiNkosi yamabandla. NjengeTabori phakathi kwezintaba lanjengeKarmeli phansi kolwandle uzafika othile.

UJeremiya 48:10

Uthukiwe lowo owenza umsebenzi weNkosi ngokungananzeleli; uthukiwe lalowo ogodla umkhonto wakhe ekuchitheni igazi.

UJeremiya 48:15

Umchithi weMowabi lemizi yalo usefikile. lezinsizwa zalo ezikhethiweyo sezehlele ekubulaweni, kutsho iNkosi eyiNkosi yamabandla.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UDanyeli 9:4

Ngakhuleka eNkosini uNkulunkulu wami, ngavuma izono ngathi: Wena Nkosi, Nkulunkulu omkhulu lowesabekayo, ogcina isivumelwano lothando olungapheliyo kwabakuthandayo labagcina imilayo yakho,

UZefaniya 2:11

INkosi izakwenza okwesabekayo kibo; ngoba izabaqeda bonke onkulunkulu bomhlaba, akhuleke kuyo wonke amazwe ezizwe, wonke umuntuesendaweni yakibo.

UZakhariya 14:9

INkosi izakuba yinkosi yomhlaba wonke; ngalolosuku iNkosi izakubanye lebizo layo libe linye.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UMalaki 1:8

Lapho linikela inyamazana eyisiphofu ibe ngumhlatshelo, lokho kakukubi na? Lapho linikela inyamazana eqhulayo legulayo, lokho kakukubi na? Akukunike umbusi wakho lokho; kambe angathokoza ngawe na? Angaba lomusa kuwe na? kutsho iNkosi yamabandla.

UMalaki 2:1

Khathesike nanku owenu umlayo, bapristi.

UMalaki 3:9

Liqalekisiwe ngesiqalekiso, isizwe sonke siqalekisiwe, ngoba liyangiphanga.

UMatewu 24:51

izakuyiqumaquma, iyabele labazenzisi; kuzakuba khona lapho ukukhala lokugedla amazinyo.

UMatewu 5:35

loba umhlaba, ngoba uyisigcabha senyawo zakhe; loba iJerusalema, ngoba lingumuzi weNkosi enkulu.

UMakho 14:8

Yena wenzile abengakwenza; uqalile phambili ukuwugcobela ukumbelwa umzimba wami.

ULukha 12:46

inkosi yaleyonceku izakufika ngosuku engayilindele ngalo langesikhathi engasaziyo, izakuyiqumaquma, iyabele labangathembekanga.

2 AbaseKhorinte 8:12

Ngoba uba uthando lokupha lukhona, uNkulunkulu uyamukela lokho umuntu alakho, angakudingi lokho umuntu angelakho.

UDutheronomi 28:58

Uba lingagcini kuhle wonke amazwi alumlayo alotshiweyo ogwalweni lolu, ukuba lesabe lelibizo elilodumo lelesabekayo lokuthi: INkosi uNkulunkulu wenu;

1 uTimothi 6:15

azakukubonakalisa ngesikhathi esifaneleyo, uSomandla oyedwa lobongekayo, iNkosi yamakhosi, loMbusi wababusi,

AmaHebheru 12:29

ngoba uNkulunkulu wethu ungumlilo oqothulayo.

Isambulo 15:4

Ngubani ongayikukwesaba, Nkosi, adumise ibizo lakho na? Ngoba nguwe wedwa ongcwele; izizwe zonke zizakuza zikudumise, ngoba izenzo zakho zokulunga zibonakalisiwe.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.