UMalaki 1:13 - iBhayibhili Elingcwele 1978

¹³ Lichila amakhala, kutsho iNkosi yamabandla, beselisithi: Yeka ukudinisa kwalokhu! Liletha okwebiweyo, lokuqhulayo, lokugulayo, kube ngumnikelo wenu. Ngizakwamukela lokho kini na? kutsho iNkosi.

IBhayibhili Elingcwele LesiNdebele

¹³ Njalo lichila amakhala ngokweyisa lithi, ‘Kuyasidina thina lokhu!’ ” Kutsho uThixo uSomandla. “Nxa liletha izifuyo ezilimeleyo kumbe ezigulayo lizozinikela zibe yimihlatshelo, lithi ngizemukele yini ezandleni zenu?” uyabuza uThixo.

UMalaki 1:13 ပူးပေါင်းရင်းမြစ်များ

2 USamuyeli 24:24

Kodwa inkosi yathi kuAruwana: Atshi bo, ngizakukuthenga kuwe ngenani elithile; kangiyikunikela iminikelo yokutshiswa eNkosini uNkulunkulu wami engangibizanga lutho. UDavida wasesithenga isiza lenkabi ngamashekeli esiliva angamatshumi amahlanu.

U-Isaya 1:12

Lapho lisiza phambi kwami ngubani olibizele ukunyathela amaguma ethempeli lami na?

U-Isaya 57:6

Wena omubi, onkulunkulu bakho bangamatshe abutshelezi asesihotsheni; kiwo uthululele umnikelo wokuthululwa, waletha lomnikelo wempuphu. Ngizathokoziswa yilokhu na?

U-Isaya 61:8

Ngoba mina Nkosi ngithanda ukulunga, ngizonda ukuphanga lobubi; ngizakubanika umvuzo wabo ngeqiniso, ngenze labo isivumelwano esingapheliyo.

UHezekhiyeli 4:14

Ngasengisithi: O Nkosi Nkulunkulu! Kangizanga ngingcoliswe. Kusukela ebutsheni bami kuze kube lamuhla kangizanga ngidle ingcuba lokubulewe zinyamazana, lenyama engcolileyo kayizanga ingene emlonyeni wami.

UHezekhiyeli 44:31

Abapristi kabayikudla inyoni kumbe inyamazana ezifeleyo loba ebanjwe ngenye.

UHosiya 13:9

Ngizakukuchitha, Israyeli; ngubani ongakusiza na?

ULevi 22:8

Lokho okuzifeleyo lalokho okubanjwe yizilo kangakudli ukuba angazingcolisi ngakho. NgiyiNkosi.

ULevi 6:4

kuzakuthi nxa esenza njalo, abe lecala, uzabuyisa lokho akuphangileyo, loba lokho owakuzuza ngokucindezela, loba lokho okwanikezwa kuye ukuba akulondoloze, loba lokho obekulahlekile akufumeneyo,

uAmosi 8:5

elithi: Ukuthwasa kwenyanga kuzadlula nini ukuze sithengise amabele? leSabatha lizaphela nini ukuze sidingise amabele ethu, senze isikali sokulinganisa sibe sincinyane, lemali ibe nengi, sikhohlise ngesilinganiso,

UMikha 6:3

Lina bantu bami, ngenzeni kini na? Kuyini engilikhathaze ngakho na? Ngiphendulani.

UMalaki 1:10

Kungathi ngabe ukhona phakathi kwenu ongavala izivalo, ukuba lingabasi imililo elize phezu kwealtare lami. Kangithokozi ngani, kutsho iNkosi yamabandla, kangiyikwamukela iminikelo evela kini.

UMalaki 2:12

Kungathi iNkosi ingakhupha emathenteni kaJakobe umuntu owenza lokhu, loba owakhileyo khona, loba engowezizwe, lanxa eletha umnikelo eNkosini yamabandla.

UMalaki 2:13

Lalokhu futhi liyakwenza. Lithela ialtare leNkosi ngenyembezi, likhale, libubule, ngoba ingasawunanzi umnikelo, ungasamukeleki kuyo.

UMatewu 6:16

Futhi nxa lizila ukudla linganyukumali njengabazenzisi; ngoba bona bacomba ubuso babo ukuba babonakale ebantwini ukuthi bazilile. Ngiqinisile ngithi kini: Sebewamukele umvuzo wabo.

UMatewu 6:5

Lalapho likhuleka, lingabi njengabazenzisi, ngoba bona bathanda ukukhuleka bemi emasinagogeni lasekuhlanganeni kwendlela ukuze babonwe ngabantu. Ngiqinisile ngithi kini: Sebewamukele umvuzo wabo.

UDutheronomi 15:21

Kodwa uba izibulo lilesici, loba liqhula, loba liyisiphofu, loba lilasiphi isici, lingalihlabeli iNkosi uNkulunkulu wenu.

1 USamuyeli 2:29

Kungani pho useyisa imihlatshelo yami leminikelo yami engayimisayo na? Kungani uhlonipha amadodana akho ukudlula mina ngokuwavumela azitike ngokuhle kweminikelo yabantu bami uIsrayeli?