UMakho 9:12 - iBhayibhili Elingcwele 1978

¹² Wabaphendula wathi: UElija uzafika kuqala ukubuyisela zonke izinto; kodwa kulotshwe njani ngeNdodana yomuntu ukuthi imele ihlupheke kakhulu, idelelwe na?

IBhayibhili Elingcwele LesiNdebele

¹² UJesu waphendula wathi, “Ngeqiniso u-Elija uza kuqala abuyisele izinto zonke esimeni sazo. Kungani pho kulotshiwe ukuthi iNdodana yoMuntu imele ihlupheke kakhulu yaliwe?

UMakho 9:12 ပူးပေါင်းရင်းမြစ်များ

AmaHubo 74:22

Vuka, Nkulunkulu! uyimele indaba yakho, ukhumbule ukuthi ababi bayakuklolodela insuku zonke.

U-Isaya 49:7

INkosi, uMhlengi kaIsrayeli loNgcwele wakhe, ithi kodelelweyo oyisinengiso ezizweni loyinceku yezikhulu: Amakhosi ezakukubona, asukume; lezikhulu zikhothame phambi kwakho, ngenxa yeNkosi ethembekileyo, oNgcwele kaIsrayeli, ekukhethileyo.

U-Isaya 50:6

Ngambulela umhlane wami ukutshwaya, ngavumela indevu zami ukucuthwa; kangisithelisanga ubuso bami ehlazweni lokukhafulwa ngamathe.

U-Isaya 52:14

Abanengi batshaqeka lapho beyibona; yayilimele kakhulu ubuso bungasakhangeleki njengobomuntu, lesimo singasabukeki njengesabantu.

UZakhariya 11:13

INkosi yasisithi kimi: Aphosele endaweni yokugcinela imali; yeka inani elinje ababengihlawule ngalo! Ngakhoke ngasengiwathatha amashekeli esiliva angamatshumi amathathu, ngawaphosela endaweni yokugcinela imali ethempelini.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

UMalaki 4:6

Uzaphendulela inhliziyo zaboyise ebantwaneni babo, lezabantwana kuboyise, funa ngize ngitshaye ilizwe ngesiqalekiso.

UMatewu 16:21

Kusukela kulesosikhathi uJesu waqala ukubatshengisa abafundi bakhe ukuba umele ukuya eJerusalema, ahlutshwe kakhulu ngabadala labapristi abakhulu lababhali, abulawe, avuswe ngosuku lwesithathu.

UMatewu 26:24

INdodana yomuntu ihamba njengokulotshiweyo ngayo, kodwa maye kulowomuntu enikelwa nguye iNdodana yomuntu! Bekungangcono aluba wayengazalwanga lowomuntu.

UMakho 10:33

wathi: Khangelani, senyukela eJerusalema; iNdodana yomuntu izakunikelwa kubapristi abakhulu lakubabhali; bazakuyigwebela ukufa, bayinikele kwabezizwe;

UMakho 9:13

Kodwa ngithi kini: UElija sewafika, benza kuye lokho abakuthandayo, njengokulotshiweyo ngaye.

UMakho 9:31

ngoba wayefundisa abafundi bakhe, esithi kubo: INdodana yomuntu izakunikelwa ezandleni zabantu, bazayibulala; isibulewe, ngemva kwensuku ezintathu izakuvuka.

ULukha 1:76

Laweke mntwana, uzakuthiwa ungumprofethi woPhezukonke, ngoba uzakuhamba phambi kweNkosi ukulungisa indlela zayo

ULukha 23:11

UHerodi lamabutho akhe bamyangisa, bamenza inhlekisa, basebemambathisa ingubo enhle, bambuyisela kuPilatu.

ULukha 23:39

Njalo lomunye wabaphangi ababephanyekwe kanye laye wamthuka esithi: Wena kawusuye uKristu na? Zisilise kanye lathi.

Imisebenzi 1:6

Kwathi sebebuthene laye bambuza bathi: Nkosi, uzabuyisela umbuso kuIsrayeli kulesisikhathi na?

Imisebenzi 4:11

UJesu lo uyilitshe elaliwa ngabakhi, kodwa eseliyinhloko yengonsi.