UMakho 8:34 - iBhayibhili Elingcwele 1978

³⁴ Wasebiza ixuku kanye labafundi bakhe, wathi kubo: Uba umuntu ethanda ukungilandela kazidele, athathe isiphambano sakhe, angilandele.

IBhayibhili Elingcwele LesiNdebele

³⁴ Wasebiza ixuku labantu kanye labafundi bakhe wathi, “Nxa umuntu efuna ukungilandela, kumele azidele athathe isiphambano sakhe angilandele.

UMakho 8:34 ပူးပေါင်းရင်းမြစ်များ

1 AmaKhosi 14:8

ngahluthuna umbuso endlini kaDavida, ngawunika wena; kodwa kawubanga njengenceku yami uDavida owagcina imilayo yami, wangilandela ngenhliziyo yonke esenza okuhle kuphela phambi kwami;

AmaNani 14:24

Kodwa inceku yami uKalebi ulomoya owahlukileyo, wangilandela ngokupheleleyo; ngakho ngizamngenisa elizweni aya kilo; lizakuba ngelenzalo yakhe.

UMatewu 10:38

longathathi isiphambano sakhe, angilandele, kafanele mina.

UMatewu 16:24

UJesu wasesithi kubafundi bakhe: Uba umuntu ethanda ukungilandela, kazidele, athathe isiphambano sakhe, angilandele.

UMatewu 27:32

Kwathi bephuma bafumana umuntu waseKureni othiwa nguSimoni; bambamba ngamandla lowo ukuba athwale isiphambano sakhe.

UMakho 10:21

UJesu emkhangela, wamthanda, wathi kuye: Usaswele ulutho lunye; hamba uthengise konke olakho, uphe abayanga, uzakuba lenotho ezulwini; uze ungilandele.

UMakho 7:14

Wabuya wabiza ixuku, wathi kulo: Ngilalelani lonke, liqedisise.

ULukha 13:24

Zamani ukungena ngomnyango omncinyane; ngoba ngithi kini: Abanengi bazakufuna ukungena, behluleke.

ULukha 14:33

Kunjaloke ilowo lalowo kini ongadeli konke alakho angebe ngumfundi wami.

ULukha 18:22

UJesu ekuzwa lokhu wathi kuye: Usaswele ulutho lunye; thengisa konke olakho, wabele abayanga, kung’khona uzakuba lenotho ezulwini; uze ungilandele.

ULukha 20:45

Besalalele abantu bonke, wathi kubafundi bakhe:

ULukha 9:23

Wasesithi kubo bonke: Uba umuntu ethanda ukungilandela, kazidele, athathe isiphambano sakhe insuku ngensuku, angilandele.

UJohane 10:27

Izimvu zami ziyalizwa elami ilizwi; lami ngiyazazi, ziyangilandela;

UJohane 19:17

Bamthathake uJesu, waphuma ethwele isiphambano sakhe, waya endaweni ethiwa yiNdawo yokhakhayi, ethiwa ngesiHeberu iGolgotha.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

AbaseRoma 6:6

Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

1 AbaseKhorinte 15:31

Bazalwane, ngiyaqinisa ngokuziqhenya kwami ngani engilakho ngoKristu Jesu iNkosi yethu ukuthi ngiyafa insuku zonke.

1 AbaseKhorinte 8:13

Ngakhoke uba ukudla kumkhubekisa umzalwane, kangisoze ngidle inyama, funa ngikhubekise umzalwane wami.

1 AbaseKhorinte 9:19

Lanxa ngikhululekile kibo bonke, ngizenze isigqili sabo bonke, ukuba ngizuze abanengi.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

AbaseGalathiya 6:14

Kodwa kimi kakungabi khona lakanye ukuzincoma, kuphela ngesiphambano seNkosi yethu uJesu Kristu, okubethelwe ngaso umhlaba kimi, lami kuwo umhlaba.

AbaseFiliphi 3:10

ukuze ngimazi yena, lamandla okuvuka kwakhe, ngihlanganyele enhluphekweni zakhe, ngimfuze ekufeni kwakhe,

AbaseFiliphi 3:7

Kantike lokho okwakuyinzuzo kimi ngakutshaya ize ngenxa kaKristu.

AbaseKholose 1:24

Khathesi ngiyathokoza ekulihluphekeleni kwami. Lokho okusileleyo enhluphekweni zikaKristu ngiyakugcwalisa emzimbeni wami ngenxa yomzimba wakhe olibandla.

AbaseKholose 3:5

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

2 AbaseThesalonika 3:11

Sizwa kuthiwa abanye phakathi kwenu bayavilapha, kabasebenzi lutho, kodwa benza okungafanelanga;

UThithu 2:12

usifundisa ukuba sidele ububi lenkanuko zomhlaba, sihambe ngokuqonda langokulunga langobuqotho kulumhlaba,

AmaHebheru 13:13

Ngakhoke asiphumele kuye ngaphandle komuzi, sithwale ihlazo lakhe.

1 UPhethro 4:1

Njengokuba uKristu wahlupheka emzimbeni, hlomani lani ngengqondo efanayo, ngoba ohlupheke emzimbeni useyekele ukona,

1 UPhethro 4:13

kodwa thokozani ekuhlanganyeleni kwenu izinhlupheko zikaKristu, ukuze kuthi lasekwambulweni kwenkazimulo yakhe lithokoze.

2 UPhethro 1:14

Lokhu ngiyazi ukuthi kuseduze ukususwa komzimba wami, njengalokhu iNkosi yethu uJesu Kristu ingitshengisile.

1 UJohane 3:16

Uthando silwazi ngalokhu ukuthi uKristu wadela ukuphila kwakhe ngenxa yethu; lathi sifanele ukudela ukuphila kwethu ngenxa yabazalwane.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.