UMakho 4:20 - iBhayibhili Elingcwele 1978

²⁰ Labahlanyelwe emhlabathini omuhle yilabo abathi belizwile ilizwi, balamukele, bathele amatshumi amathathu, lamatshumi ayisithupha, lekhulu.

IBhayibhili Elingcwele LesiNdebele

²⁰ Abanye, njengenhlanyelo ehlanyelwe emhlabathini omuhle, bayalizwa ilizwi, balamukele, bathele izithelo, bedlule okwakuhlanyelwe ngamatshumi amathathu, ayisithupha loba ngekhulu.”

UMakho 4:20 ပူးပေါင်းရင်းမြစ်များ

UGenesisi 26:12

UIsaka walima kulelolizwe, wazuza ngalowomnyaka okuphindwe kalikhulu; iNkosi yambusisa.

UMatewu 13:23

Ohlanyelwe emhlabathini omuhle nguye olizwayo ilizwi, aliqedisise; athele izithelo impela, omunye aveze ikhulu, omunye amatshumi ayisithupha, lomunye amatshumi amathathu.

UMatewu 13:8

Enye inhlanyelo yawela emhlabathini omuhle; yathela izithelo, enye ikhulu, enye amatshumi ayisithupha, enye amatshumi amathathu.

UMakho 4:8

Enye inhlanyelo yawela emhlabathini omuhle; yakhula, yanda, yathela, yazala amatshumi amathathu, lamatshumi ayisithupha, lekhulu.

ULukha 8:15

Okusemhlabathini omuhle yilabo abathi belizwile ilizwi, balibambe ngenhliziyo enhle lelungileyo, bathele izithelo ngokubekezela.

UJohane 15:16

Kalingikhethanga lina, kodwa yimi engilikhethileyo, ngilimisele ukuba lihambe, lithele izithelo, lezithelo zenu zihlale njalo, ukuba loba yini eliyicela kuBaba ngebizo lami alinike yona.

UJohane 15:2

Lolo lalologatsha olukimi, olungatheliyo izithelo, uyalususa. Lolo lalologatsha oluthela izithelo uyaluthena ukuze luthele kakhulu.

AbaseRoma 7:4

Ngokunjaloke, bazalwane, selifile lani mayelana lomlayo ngomzimba kaKristu, ukuze libe ngabomunye, lowo owavuswa kwabafileyo ukuba sithelele uNkulunkulu izithelo.

AbaseFiliphi 1:11

ligcwaliswe ngezithelo zokulunga ezingoJesu Kristu, kube yibukhosi lodumo kuNkulunkulu.

AbaseKholose 1:10

lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

1 AbaseThesalonika 4:1

Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.

2 UPhethro 1:8

Ngoba uba lezizinto zikhona kini zisanda, ziyalenza ukuba lingabi ngabavilaphayo labangelazithelo ekwazini iNkosi yethu uJesu Kristu.