UMakho 3:5 - iBhayibhili Elingcwele 1978

⁵ Wabathalaza ngokuthukuthela, edabukile ngobulukhuni benhliziyo zabo; wathi kulowomuntu: Yelula isandla sakho. Waselula, isandla sakhe sasiliswa.

IBhayibhili Elingcwele LesiNdebele

⁵ Wabakhangela ngolaka, ehlutshwa yibuqholo bezinhliziyo zabo, wasesithi kuleyondoda, “Yelula isandla sakho.” Yaselula, isandla sesilunge saphelela.

UMakho 3:5 ပူးပေါင်းရင်းမြစ်များ

UGenesisi 6:6

INkosi yazisola ngokuthi ibenzile abantu emhlabeni, yadabuka inhliziyo yayo.

1 AmaKhosi 13:6

Inkosi uJerobowamu yathi emuntwini kaNkulunkulu: Ake ungincengele eNkosini uNkulunkulu wakho, ungikhulekele, ukuba isandla sami sisiliswe. Umuntu kaNkulunkulu wasemncengela eNkosini, lesandla sikaJerobowamu sasiliswa saba njengakuqela.

UNehemiya 13:8

Ngathukuthela kakhulu, ngazikhuphela phandle zonke impahla zikaTobiya.

AmaHubo 95:10

Iminyaka engamatshumi amane nganengwa yilesosizukulwana ngaze ngathi: Bangabantu abalenhliziyo eziduhayo, abangananziyo indlela zami.

UMatewu 12:13

Wasesithi kulowomuntu: Yelula isandla sakho. Waselula, sasiliswa, saba njengesinye.

UMakho 3:4

Wathi kubo: Kuvunyelwe yini ngeSabatha ukwenza okulungileyo ingabe ukwenza okungalunganga, ukusilisa ingabe ukubulala na? Bathula.

ULukha 13:15

Kodwa uJesu wamphendula wathi: Lina bazenzisi, ilowo lalowo wenu kayikhululi yini inkabi ingabe ubabhemi wakhe esibayeni ngeSabatha, ayiholele emanzini ukuyinathisa na?

ULukha 17:14

Kuthe ebabona, wathi kibo: Hambani, liyeziveza kubapristi. Kwathi besahamba, bahlanjululwa.

ULukha 6:10

Wabathalaza bonke wathi kuye: Yelula isandla sakho. Wenza njalo, lesandla sakhe sasila.

UJohane 9:7

Wathi kuso: Hamba uyegeza echibini laseSilowama, okutsho ukuthi oThunyiweyo; sasesihamba, sageza, sabuya sesibona.

AbaseRoma 11:25

Ngithanda ukuba lazi limfihlakalo, bazalwane, funa lizitshaye abahlakaniphileyo, ukuthi ingxenye kaIsrayeli yehlelwe yibulukhuni kuze kungene abezizwe ngokupheleleyo

2 AbaseKhorinte 3:14

Kodwa ingqondo yabo yaba lukhuni. Ngoba kuze kube lamuhla, nxa kufundwa isivumelwano esidala, lesosimbombozo sisahlezi singambulwanga, ngoba sisuswa kuKristu kuphela.

Abase-Efesu 4:18

Kumnyama engqondweni yabo, behlukene lokuphila kukaNkulunkulu ngenxa yokungazi kwabo, langenxa yobulukhuni benhliziyo yabo.

Abase-Efesu 4:26

Thukuthelani lingoni; ilanga kalingatshoni lisathukuthela;

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

AmaHebheru 3:10

Ngakhoke ngasithukuthelela lesosizukulwana, ngathi: Bayaduha njalonjalo enhliziyweni zabo, kabazazanga izindlela zami,

AmaHebheru 3:17

Ngobani uNkulunkulu athukutheliswa yibo okweminyaka engamatshumi amane na? Kakusibo labo abonayo, abazidumbu zabo zahlakazeka enkangala na?

AmaHebheru 5:9

lapho esephelelisiwe waba ngumthombo wokusiliswa okungapheliyo kibo bonke abamlalelayo,

Isambulo 6:16

besithi ezintabeni lasemaweni: Welani phezu kwethu, lisifihle emehlweni akhe ohlezi esihlalweni sobukhosi lasolakeni lweWundlu,

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.

1 USamuyeli 20:34

UJonathani wasuka etafuleni esethukuthele kakhulu, kadlanga ngosuku lwesibili lwenyanga, ngoba wayelosizi ngoDavida, ngoba uyise emyangisile.