UMakho 3:10 - iBhayibhili Elingcwele 1978

¹⁰ Ngoba wayesilisa abantu abanengi, baze bawela phezu kwakhe bonke abalezifo ukuze bamthinte.

IBhayibhili Elingcwele LesiNdebele

¹⁰ Phela wayesesilise abanengi, yikho labo ababelezifo babeminyezela befuna ukumthinta.

UMakho 3:10 ပူးပေါင်းရင်းမြစ်များ

UGenesisi 12:17

Kodwa iNkosi yamtshaya uFaro lendlu yakhe ngezinhlupheko ezinkulu ngenxa kaSarayi umkaAbrama.

AmaNani 11:33

Inyama isesemilonyeni yabo, iNkosi yabathukuthelela abantu, yabehlisela umkhuhlane omkhulu kakhulu.

UMatewu 12:15

Kodwa uJesu esekwazi lokho wasuka lapho. Abantu abanengi bamlandela, wabasilisa bonke.

UMatewu 14:14

Esephumile wabona ixuku elikhulu, walihawukela, wasilisa abagulayo babo.

UMatewu 14:36

Bamncenga ukuba bathinte nje umphetho wengubo yakhe; bonke abawuthintayo basiliswa.

UMatewu 4:23

UJesu wahambahamba elizweni lonke laseGalili efundisa emasinagogeni abo, etshumayela ivangeli lombuso, esilisa abantu ezifweni zonke lasebuthakathakeni bonke.

UMakho 5:34

Wathi kuye: Dade, ukukholwa kwakho kukusilisile; hamba kuhle, usiliswe esifweni sakho.

UMakho 6:56

Loba ngaphi lapho aya khona, emizaneni lasemizini lasemaphandleni, babeka abagulayo emidangeni, bamncenga ukuba bathinte loba umphetho wengubo yakhe nje; bonke abamthintayo basiliswa.

UMakho 8:22

Bafika eBetsayida. Baletha kuye isiphofu, bamncenga ukuba asithinte.

ULukha 5:3

Esengenile komunye wemikolo ongokaSimoni wamcela ukuba asuke kancinyane emhlabathini. Wahlala phansi, wafundisa abantu esemkolweni.

ULukha 6:19

Ixuku lonke lafuna ukumthinta, ngoba kwaphuma kuye amandla abasilisa bonke.

ULukha 7:2

Inceku yenduna yekhulu eyayithandeka kuyo yayigula, isizakufa.

ULukha 7:21

Ngalesosikhathi uJesu wayesilisa abanengi ezifweni lasemikhuhlaneni lakubomoya ababi; labayiziphofu abanengi wabapha ukubona.

Imisebenzi 5:15

baze bakhuphela phandle emigwaqweni abagulayo, bababeka emathaleni lemacansini, ukuze kuthi lapho uPetro esiza, isithunzi sakhe nje sibasithe abanye babo.

AmaHebheru 12:6

Ndodana yami, ungadeleli ukulaya kweNkosi, uphele amandla, nxa usolwa yiyo, ngoba iNkosi iyamlaya emthandayo, itshaye ilowo lalowo wamadodana ewamukelayo.