UMakho 2:17 - iBhayibhili Elingcwele 1978

¹⁷ UJesu esizwa lokhu wathi kubo: Abaphilayo kabadingi inyanga, kodwa abagulayo; kangizanga ukubiza abalungileyo kodwa ngize ukubiza izoni.

IBhayibhili Elingcwele LesiNdebele

¹⁷ Wathi ekuzwa lokho uJesu wathi kubo, “Abaphilayo kabamdingi umelaphi, kodwa abagulayo bayamdinga. Kangilandanga ukuzobiza abalungileyo, kodwa izoni.”

UMakho 2:17 ပူးပေါင်းရင်းမြစ်များ

U-Isaya 1:18

Wozanike, siqondisane, itsho iNkosi; loba izono zenu zibomvu gebhu, zizakuba mhlophe njengongqoqwane; loba zibomvu njengegazi, zizakuba mhlophe njengoboya bezimvu.

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

UJeremiya 17:9

Inhliziyo iyakhohlisa ukwedlula izinto zonke, futhi imbi kakhulu. Ngubani ongayazi na?

UMatewu 18:10

Khangelani lingadeleli omunye walaba abancinyane ngoba ngithi kini: Ezulwini izithunywa zabo zihlala zibona ubuso bukaBaba osezulwini. [

ULukha 15:10

Ngithi kini: Ngokunjaloke kukhona ukuthokoza phambi kwezithunywa zikaNkulunkulu ngesoni sinye nje esiphendukayo.

ULukha 15:29

Kodwa yaphendula yathi kuyise: Khangela, iminyaka engaka ngikusebenzela: kangizanga ngeqe umlayo wakho, kodwa kawuzanga unginike lezinyane lembuzi nje ukuba ngijabule kanye labangane bami;

ULukha 15:7

Ngithi kini: Ngokunjalo kuzakuba khona ukuthokoza ezulwini ngesoni sinye nje esiphendukileyo kulabalungileyo abangamatshumi aficamunwemunye labaficamunwemunye abangasweli ukuphenduka.

ULukha 16:15

Kodwa wathi kibo: Lina lingabazitshaya abalungileyo emehlweni abantu; kodwa uNkulunkulu uyazazi inhliziyo zenu, ngoba lokho okuphakemeyo phakathi kwabantu kuyisinengiso emehlweni kaNkulunkulu.

ULukha 19:10

Ngoba iNdodana yomuntu ize ukufuna lokusilisa okulahlekileyo.

UJohane 9:34

Basebemphendula besithi: Wena wazalelwa esonweni impela; wena uyasifundisa na? Basebemkhupha esinagogeni.

UJohane 9:40

Labo kubaFarisi ababelaye bezwa lokhu, bathi kuye: Lathi njalo siyiziphofu na?

Imisebenzi 20:21

ngifakaza kubaJuda lakumaGriki ukuphendukela kuNkulunkulu lokukholwa iNkosi yethu uJesu Kristu.

Imisebenzi 26:20

kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.