UMakho 2:16 - iBhayibhili Elingcwele 1978

¹⁶ Ababhali babaFarisi bembona esidla lezoni labathelisi bathi kubafundi bakhe: Kungani esidla labathelisi lezoni na?

IBhayibhili Elingcwele LesiNdebele

¹⁶ Kuthe abafundisi bomthetho ababe ngabaFarisi bembona esidla “lezoni” labathelisi babuza abafundi bakhe bathi, “Wenzelani ukudla labathelisi kanye ‘lezoni’?”

UMakho 2:16 ပူးပေါင်းရင်းမြစ်များ

U-Isaya 65:5

abathi: Ungasondeli kimi, ngoba ngahlukanisiwe lawe. Laba banjengentuthu emakhaleni ami, lomlilo otshisayo usuku lonke.

UMatewu 18:17

Alubana esala ukubezwa bona, tshela ibandla; uba esala ukuzwa lalo ibandla, kabe njengowezizwe lomthelisi kuwe.

UMatewu 5:46

Ngoba aluba lithanda labo abalithandayo, lilomvuzo bani na? Kabenzi njalo labathelisi na?

UMatewu 9:11

AbaFarisi sebekubonile lokhu bathi kubafundi bakhe: Kungani umfundisi wenu esidla labathelisi lezoni na?

UMakho 2:15

Kwathi ehlezi ekudleni endlini yakhe, abathelisi abanengi lezoni babesekudleni loJesu labafundi bakhe; ngoba babebanengi, bemlandela.

UMakho 2:7

Ukhulumelani okunje lumuntu na? Uyahlambaza. Ngubani ongathethelela izono, ngaphandle kukaNkulunkulu yedwa na?

ULukha 18:11

UmFarisi wema wazikhulekela ngokuthi: Nkulunkulu, ngiyakubonga ngoba kanginjengabanye abantu, abaphangi, labangalunganga, lezifebe, lanjengalumthelisi.

ULukha 19:10

Ngoba iNdodana yomuntu ize ukufuna lokusilisa okulahlekileyo.

ULukha 19:7

Kuthe bekubona, basola, besithi: Wethekelele indoda eyisoni.

ULukha 5:30

AbaFarisi lababhali babo basola kubafundi bakhe besithi: Lidlelani linathe labathelisi lezoni na?

Imisebenzi 23:9

Kwasekuvela umsindo omkhulu, kwathi abathile kubabhali behlelo labaFarisi basukuma, baphika kakhulu, besithi: Kasifumani lutho olubi kulumuntu; mhlawumbe umoya kumbe isithunywa kukhulume laye.

1 AbaseKhorinte 2:15

Umuntu womoya uyahlola zonke izinto, kodwa yena kahlolwa muntu.

AmaHebheru 12:3

Mqapheliseni yena owakhuthazela ephikwa kangaka yizoni, ukuze lingadinwa, liphelelwe ngamandla enhliziyweni.