UMakho 13:34 - iBhayibhili Elingcwele 1978

³⁴ Kunjengomuntu owahambela kwelinye ilizwe; watshiya umuzi wakhe, wanika inceku zakhe amandla, enika leyo laleyo umsebenzi wayo, walaya umlindisango ukuba alinde.

IBhayibhili Elingcwele LesiNdebele

³⁴ Kunjengomuntu ezathatha uhambo: utshiya indlu yakhe ayinikele izisebenzi zakhe ukuba ziyilinde, yileso sabelwe owaso umsebenzi, atshele lowo olinda emnyango ukuthi aqaphele.

UMakho 13:34 ပူးပေါင်းရင်းမြစ်များ

UMatewu 16:19

Ngizakukunika amakhiye ombuso wezulu. Lokho ozakukubopha emhlabeni kuzakuba kubotshiwe lasezulwini; lalokho ozakukuthukulula emhlabeni kuzakuba kuthukululwe lasezulwini.

UJohane 10:3

Umlindi wesango uyamvulela; lezimvu ziyalizwa ilizwi lakhe; uyazibiza ezakhe ngamabizo, aziholele phandle.

AbaseRoma 13:6

Ngoba ngenxa yalokho lithela umthelo; ngoba ababusayo bayizinceku zikaNkulunkulu, ezikhuthalela khona lokho.

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

AbaseKholose 3:24

lazi ukuthi lizakwamukela umvuzo welifa eNkosini. UKristu yiyo iNkosi eliyikhonzayo.

AbaseKholose 4:1

Makhosi, yenzelani izigqili zenu okulungileyo lokufaneleyo, lazi ukuthi lani lileNkosi ezulwini.

Isambulo 3:7

Lakuso isithunywa sebandla eliseFiladelfiya loba uthi: Nanku akutshoyo ongcwele loqotho, olekhiye kaDavida, ovula kungavali muntu, lovala kungavuli muntu,