UMakho 11:1 - iBhayibhili Elingcwele 1978

¹ Kwathi besondela eJerusalema, eBetfage, laseBethani, ngasentabeni ethiwa iOliveti, wathuma ababili kubafundi bakhe,

IBhayibhili Elingcwele LesiNdebele

¹ Bathi sebesondele eJerusalema bafika eBhethifage leBhethani eNtabeni yama-Oliva. UJesu wathuma abafundi bakhe ababili

UMakho 11:1 ပူးပေါင်းရင်းမြစ်များ

2 USamuyeli 15:30

UDavida wasekhwela intaba ethiwa yiOliveti, ehamba ekhala, embomboze ikhanda lakhe, engafakanga amanyathelo; bonke abantu ababelaye bambomboza amakhanda abo, bahamba bekhala.

UZakhariya 14:4

Ngalolosuku inyawo zayo zizakuma entabeni ethiwa yiOliveti emaqondana leJerusalema ngasempumalanga; intaba iOliveti izadabuka phakathi kuvele isigodi esikhulu kusukela empumalanga kusiya entshonalanga, ingxenye yentaba izatshedela enyakatho, lengxenye itshedele eningizimu.

UMatewu 21:17

Wabatshiya, waphuma emzini waya eBethani, walala khona.

UMatewu 24:3

Kwathi esehlezi entabeni ethiwa iOliveti abafundi beza kuye bebodwa, bathi: Sitshele ukuthi lokhu kuzakuba njalo nini? Isibonakaliso sokuza kwakho lesokuphela kwesikhathi sizakuba yini?

UMatewu 26:30

Kwathi sebehlabele ingoma baphuma baya entabeni ethiwa iOliveti.

UMakho 11:2

wathi kibo: Hambani liye emzini okhangelene lani; kuzakuthi lisangena lizakufumana ithole likababhemi likhulekiwe, okungazanga kuhlale kulo umuntu; lilikhulule, lililethe.

UMakho 13:3

Esehlezi entabeni ethiwa iOliveti maqondana lethempeli uPetro loJakobe loJohane loAndreya bambuza bebodwa,

UMakho 14:13

Wasethuma ababili kubafundi bakhe, wathi kubo: Hambani liye emzini; khona lizahlangana lendoda ithwele imbiza yamanzi; liyilandele.

UMakho 6:7

Wabizela kuye abalitshumi lambili, waqala ukubathuma ngababili, wabanika amandla phezu komoya ababi.

UJohane 8:1

Kodwa uJesu waya entabeni ethiwa iOliveti.

Imisebenzi 1:12

Basebebuyela eJerusalema bevela entabeni ethiwa iOliveti eseduze leJerusalema, ummango wohambo lweSabatha.