UMakho 10:52 - iBhayibhili Elingcwele 1978

⁵² UJesu wathi kuso: Hamba; ukukholwa kwakho kukusilisile. Sabona khona lapho, samlandela endleleni.

IBhayibhili Elingcwele LesiNdebele

⁵² UJesu wathi, “Hamba-ke, ukukholwa kwakho sekukusilisile.” Masinyane yahle yabona yasilandela uJesu endleleni.

UMakho 10:52 ပူးပေါင်းရင်းမြစ်များ

AmaHubo 146:8

iNkosi iyavula amehlo eziphofu; iNkosi iyabalulamisa bona abawileyo; iNkosi iyabathanda abalungileyo.

AmaHubo 33:9

Ngoba yakhuluma, umhlaba waba khona, yalaya, wema waqina.

U-Isaya 35:5

Ng’khona amehlo eziphofu azakuvuleka, lendlebe zezacuthe zivuleke;

UMatewu 11:5

iziphofu ziyabona, leziqhuli ziyahamba, labalobulephero bayahlanjululwa, labangezwayo bayezwa, labafileyo bayavuswa, labayanga bayatshunyayezwa ivangeli.

UMatewu 12:22

Kwasekulethwa kuye umuntu olomoya omubi eyisiphofu lesimungulu. Wamsilisa, kwaze kwathi oyisimungulu wakhuluma, wabona.

UMatewu 15:28

UJesu wasemphendula esithi: O Mama, kukhulu ukukholwa kwakho! Kakube kuwe njengokufisa kwakho. Indodakazi yakhe yasila kusukela kulesosikhathi.

UMatewu 21:14

Kwafika kuye iziphofu leziqhuli ethempelini, wazisilisa.

UMatewu 8:3

Welula isandla, wamthinta wathi: Ngiyathanda, hlambuluka. Wahle wahlambuluka kubo ubulephero bakhe.

UMatewu 9:22

UJesu waphenduka, embona wathi: Mana isibindi, dade; ukukholwa kwakho kukusilisile. Owesifazana wasila kusukela kulesosikhathi.

UMakho 1:31

Waya kuye, wambamba ngesandla wamlulamisa; umkhuhlane wamyekela, wabasebenzela.

UMakho 5:34

Wathi kuye: Dade, ukukholwa kwakho kukusilisile; hamba kuhle, usiliswe esifweni sakho.

UMakho 8:25

Wabuya wabeka izandla zakhe phezu kwamehlo aso, sakhangelisisa, sasila, sabonisisa konke.

ULukha 7:50

Wathi kowesifazana: Ukukholwa kwakho kukusilisile. Hamba kuhle.

ULukha 9:48

Wathi kubo: Ilowo lalowo owamukela lumntwana ngebizo lami wamukela mina; owamukela mina wamukela ongithumileyo; ngoba omncinyane kini lonke nguye omkhulu.

UJohane 9:32

Kulokhu kwadatshulwa umhlaba kakuzanga kuzwakale ukuthi kukhona owavula amehlo omuntu owazalwa eyisiphofu.

UJohane 9:39

UJesu wathi: Mina ngizele ukuthonisisa kulumhlaba, ukuba abangaboniyo babone, lalabo ababonayo babe yiziphofu.

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.